‘‘என் பாய் ஃபிரண்ட்/ கேர்ள் ஃபிரண்ட் சொல்லும் சில வார்த்தைகள் எனக்கு புரியவில்லை...’’ என்கிறார்கள் இக்கால இளசுகளே! ‘‘புரியவில்லை என சொன்னாலும் ‘பூமர்’ என சொல்லிவிடுகிறார்கள்...’’இப்படி இக்கால இளைஞர்களும் புலம்பும் அளவிற்கு தற்போதைய காதல் மொழிகள் எதுவும் நமக்கு அவ்வளவாக விளங்குவதில்லை. 

அப்படி ரிலேஷன்ஷிப்பில் என்னென்ன பெயர்கள் இருக்கின்றன... எந்தப் பெயரில் உங்களை உங்கள் காதலன் அல்லது காதலி வைத்திருக்கிறார் என ஒரு ஆக்ஸ்போர்டு டிக்‌ஷனரி ஆராய்ச்சி இதோ...

இரு பக்கமும் விருப்பம் இருப்பினும் ஏதோ ஒரு நம்பிக்கை இல்லா சூழல் காரணமாக இவர்களின் உறவு மெசஞ்சர், வாட்ஸ்அப் உள்ளிட்ட செயலிகளில் வெறும் மெசேஜ்களாகவே தொடரும்.

‘நம்மைப் போலவே ஒருவர்...’ அதாவது நம்மைப் போலவே ஒரே எண்ணங்கள் கொண்ட நபரை தேடித் தேடி அலைந்து கடைசியில் தோல்வியுறும் உறவுமுறை. ஒருமித்த சிந்தனை கொண்ட இருவர் ஒன்றாக இருப்பது என்பது கிட்டத்தட்ட சிங்கமும் புலியும் ஒரே நேரத்தில் மோதிக் கொள்வதற்கு சமம். 

ஆனால், இதில் மீண்டும் மீண்டும் தோல்வி என்றாலும் கூட அதேபோன்றதொரு உறவைத்தான் இந்த நபர்கள் தேடுவார்கள். இதனால் இவர்கள் அதிகம் காதல் தோல்வியை சந்தித்தவர்களாக இருப்பார்கள். இந்த முறையையே கிரௌண்ட்ஹாக்கிங் என்கிறார்கள்.  இந்த வார்த்தை 1993ம் ஆண்டு வெளியான ‘கிரவுண்ட் ஹாக் டே’  என்கிற படத்தின் தலைப்பிலிருந்து உருவானது.

இன்னொரு புரிதலாக, பொதுவாக கால்பந்து மைதானத்தில் ‘நெக்ஸ்ட் ஆன் டெக்’ என ஒரு வீரர் எப்போதும் தயார் நிலையில் இருப்பார். விளையாடிக் கொண்டிருக்கும் வீரருக்கு அடிபட்டால் அவருக்கு பதில் இவர் விளையாடுவது போல். 

அதாவது, இருக்கும் உறவில் ஒருவர் பிரச்னை செய்கிறார் எனில் பேக்கப் பிளானாக இன்னொருவரை தயார் நிலையில் வைத்திருப்பதையும் நெக்ஸ்ட் ஆன் டெக் என்கிற பொருளில் 2k கண்மணிகள் அடையாளப்படுத்துகிறார்கள்!இதில் நெக்ஸ்ட் ஆன் டெக் பேர்வழி பாய் பெஸ்டி அல்லது கேர்ள் பெஸ்டி நிலையிலும் கூட காத்திருப்பில் வைத்திருப்பதுண்டு.

ஒருவர் இன்னொரு நபரை தன் மீது விருப்பத்துடனே வைத்திருப்பது. அதாவது அவர்களுக்காக எல்லா மெனக்கெடலையும் செய்வதுபோல் காண்பித்து, ஆனால், எதையும் செய்யாமல் இருப்பது.

தனது கேர்ள் ஃபிரண்ட் அல்லது பாய் ஃபிரண்டை தன்னுடைய சுற்றுவட்டத்தில் அறிமுகப்படுத்துவதை தவிர்ப்பர். குறிப்பாக தன்னுடைய நண்பர்கள் மற்றும் குடும்ப உறவுகள் முன் தனது உறவை வெளிப்படுத்த மாட்டார்கள். 

அதேபோல் தன் பற்றிய அந்தரங்க தகவல்களையும் முழுவதுமாக தெரிவிக்க மாட்டார்கள். அத்தனையும் அவர்கள் சொல்லும் வார்த்தைகளாக மட்டும்தான் மற்றவர் புரிந்து கொள்ள முடியும்.

பலதரப்பட்ட ரொமாண்டிக் உறவுகள்... ஒன்று தோல்வியடைந்தால் மற்றொன்றை ஆக்டிவேட் செய்து, இருக்கும் முதன்மை உறவை பிரேக் அப் செய்து விடுவது.

எந்த எதிர்கால கமிட்மெண்ட்டும் இல்லாமல் உறவில் இருப்பது. இதற்கு கால அவகாசம் எதுவும் கிடையாது. பிடித்தால் உறவில் தொடரலாம்... இல்லையேல் பை பை சொல்லி விட்டு செல்லலாம். 

தற்போதைய 2கே ஜெனரேஷனில் அதிகம் காணப்படுவது இந்த ஃப்ளிங் கலாசாரம்தான். இதனால் யாருக்கும் எந்த பாதிப்பும் இல்லை... மேலும் அவரவர் குடும்பத்திற்குள்ளும் எந்த பிரச்னைகளும் வராது. சுருக்கமாக சொன்னால் கமிட்மெண்டுகளுக்கு தயாராகாத ஒரு உறவு. இதற்கு வயது வரம்பும் கிடையாது.

‘மை ஸ்வைப்’ என தன் நண்பர்களுக்கு உங்களை உங்கள் பார்ட்னர் அறிமுகப்படுத்தினால், நீங்கள் டேட்டிங் ஆப் மூலம் கிடைத்த உறவு எனப் பொருள். ‘தேவைப்பட்டால் வைத்துக்கொள்வேன்’ அல்லது ‘ஸ்வைப் செய்து அடுத்தவரை தேர்வு செய்துவிடுவேன்’ என்னும் பொருளும் அடங்கும். 

இந்த வகைகளில் எந்த முறையில் உங்களை உங்கள் உறவு நடத்துகிறது என்பதைக் கொண்டே இந்த உறவில் உங்களின் அடுத்த கட்டங்களை நீங்கள் மேற்கொள்ளலாம்.இதுவே பாதி டிக்‌ஷனரிதான்.என்ன... தலை சுற்றுகிறது அல்லவா..? எங்களுக்கும் இஷ்க் இஷ்க் என்றுதான் கேட்கிறது!