இயக்குநர் பா.இரஞ்சித்தின் ‘நீலம்’ பாசறையில் பட்டை தீட்டப்பட்டவர் வின்சு ரேச்சல். பிரபல மாடலான இவர், பா.இரஞ்சித் இயக்கிய ‘நட்சத்திரம் நகர்கிறது’ படத்தின் வழியாக சினிமா நட்சத்திரமாக மாறியவர். 

இப்போது ‘நீலம் புரொடக்‌ஷன்ஸ்’ சார்பாக அதியன் ஆதிரை இயக்கியுள்ள ‘தண்டகாரண்யம்’ செய்துள்ளார். மலையாளக் கரையோரத்திலிருந்து வந்துள்ள இவர் தன்னுடைய சினிமா அனுபவத்தை மழலைத் தமிழில் நம்மிடம் பகிர்ந்துகொண்டார்.

பில்டப் கொடுக்குமளவுக்கு நான் பெரிய ஸ்டாரெல்லாம் கிடையாது. டென்ஷன் இல்லாம வாழ்க்கையை ஜாலியாக வாழ்ந்து பார்க்கணும்னு நினைக்கிற கேரக்டர். சான்ஸ் கிடைச்சா ஜோக்கும் அடிப்பேன். 

குறும்பு சேட்டையும் பண்ணுவேன்.உங்களுக்கு ஃபேமஸ் டைரக்டர் அடூர் கோபாலகிருஷ்ணனைத் தெரியும்னு நினைக்கிறேன். அவர் பெயர்ல இருக்கே ஊர்... அதுதான் எனக்கும் சொந்த ஊர். அப்பாவுக்கு துபாயில் வேலை என்பதால் சின்ன வயசுலேயே ஃப்ளைட்ல பறக்க ஆரம்பிச்சுட்டேன்.

‘தண்டகாரண்யம்’.மாடலிங், சினிமா இவ்விரண்டும் வெவ்வேறு உலகங்கள். 

சினிமாவில் யாருடன் வேலை செய்கிறோம் என்பது முக்கியம். ‘நட்சத்திரம் நகர்கிறது’ டீம் நான் சினிமாவில் காலூன்ற பெரிய உதவியாக இருந்தார்கள். சொல்லப்போனால் அந்தப் படம்தான் எனக்கு அங்கீகாரத்தைக் கொடுத்துச்சு.

நடிப்பைப் பொறுத்தவரை விளம்பரங்களுக்கு மிகைப்படுத்தி நடிக்கணும். சினிமாவுக்கு கொஞ்சம் அடக்கி வாசிச்சாலே போதும். அதுவும் நமக்கு அமையும் கேரக்டரைப் பொறுத்து மாறும்.

ஏனெனில், அந்தப் படத்துல நடிச்ச எல்லோருமே சினிமா  அனுபவம் உள்ளவர்கள். 

நான் அப்படி கிடையாது. என்னால் டைம் வேஸ்ட் ஏற்படக்கூடாதுன்னு மனசு துடியா துடிக்கும்.

கலையரசன், தினேஷ் ஆகிய இருவருடன் நடிச்சது நல்ல அனுபவமா இருந்துச்சு. சீனியர்ஸ் என்றாலும் எனக்கு ப்ரஷர் தராம என் வேலையை ஹேப்பியா பண்ணுமளவுக்கு சப்போர்ட் பண்ணினார்கள்.‘நட்சத்திரம் நகர்கிறது’ படத்திலும் கலையரசன் ஜோடியாக வந்திருப்பேன். பழகிய நண்பர்கள் என்பதால் டென்ஷன் இல்லாமல் நடிக்க முடிஞ்சது.

இயக்குநர் அதியன் சாரை இந்தப் படத்துக்குப் பிறகு என்னுடைய சிறந்த நண்பராக பார்க்கிறேன். ஷூட்டிங் தொடங்குவதற்கு முன் ஸ்கிரிப்ட் ரீடிங், ரிகர்சல் என ஒன்றரை மாதம் பயிற்சி எடுத்திருப்பேன். இப்போது நான் பேசுற தமிழ் நல்லாயிருக்குன்னு நீங்க கூட சொன்னீங்க. அதற்கு காரணம் அதியன் சார். 

ஏனெனில், ‘தண்டகாரண்யம்’ படத்தில் தமிழை தெளிவாகப் பேசணும். லேங்வேஜ் விஷயத்துல கல்பனா தோழி உதவியா இருந்தார். அதியன் சார் எனக்கு மட்டும் ஸ்பெஷலா தமிங்கிலீஷ்ல பவுண்ட் ஸ்கிரிப்ட் கொடுத்தார். அதுவும் கேரக்டரை புரிஞ்சுக்க யூஸாச்சு.

டயலாக் போர்ஷனை ரிகர்சல் பண்ணியதால அந்த ஏரியாவுல எந்தப் பிரச்னையும் வரலை. காஸ்டியூம்தான் என்ன பண்ணப்போறேனோன்னு டென்ஷனா இருந்தேன். நிஜத்துல நான் அல்ட்ரா மாடர்ன் டிரஸ் போடுவேன். 

கேரக்டருக்காக பாவாடை, தாவணி போடணும். எனக்கு துளியும் சம்பந்தம் இல்லாத டிரஸ்.அந்த விஷயத்துல இயக்குநர் அதியன் என்னை எப்படி தேர்வு செய்தார்னு ஆச்சர்யமா இருக்கும். அது என்ன மாயமோ பாவாடை, தாவணி போட்டதும் கிராமத்துப் பெண்ணா என்னை நினைச்சுக்க முடிஞ்சது.

ஓடிடியில் கவின், ரெபா நடிச்ச ‘ஆகாஷவாணி’யில் நானும் நடிச்சிருக்கிறேன். சினிமா அவ்வளவு ஈசி கிடையாதுன்னு தெரியும். ஃபேமிலி, ஃப்ரெண்ட்ஸ் என என்னைச் சுற்றிலும் பாசிடிவ் வைப் இருந்ததால நிம்மதியா வேலை பார்க்க முடிஞ்சது.இதுவரை நான் வேலை பார்த்த இடங்களில் எல்லோரும் நல்லா சப்போர்ட் பண்ணியிருக்கிறார்கள். 

சினிமா மட்டுமல்ல, வாழ்க்கையில் ஜெயிக்கணும் என்றாலும் போராட்டம் இல்லாமல் எதுவுமில்லை. எனக்கு சப்போர்ட் சிஸ்டம் இருந்ததால் இன்னும் நான் போராட்ட எல்லைக்குள் வரவில்லை என்றுதான் நினைக்கிறேன்.