‘‘யுஎஸ், யுகே, ஆஸ்திரேலியா, நியூஸிலாந்து, ஜெர்மனி, கனடா, ஜப்பான், சீனா, தென் ஆப்ரிக்கா, மெக்ஸிகோ நாடுகளில் இருந்து சுற்றுலா வருகிற வெளிநாட்டுப் பயணிகளை ஒருங்கிணைத்து ரிக்‌ஷாவில் தொடங்குகிற பயணம் இது.

டிசம்பர் 28ல் சென்னையின் நீண்ட அழகிய கிழக்கு கடற்கரை சாலை வழியாகத் தொடங்கிய பயணம்... பாண்டிச்சேரி, தஞ்சாவூர், மதுரை, ராஜபாளையம் என சாலை மார்க்கமாகவே பயணித்து, ஜனவரி 4ல் தூத்துக்குடி மாவட்டத்தை வந்தடைந்தது.

‘‘வழக்கமான சுற்றுலா இடங்கள் தவிர்த்து, இந்தியாவின் கடைக்கோடி கிராமங்கள், அங்கிருக்கும் மக்களின் வாழ்க் கை, அவர்களது வாழ்விடங்கள், நமது கிராமத்து சாலைகள் கொடுக்கும் பயண அனுபவம், வேறுபடும் வானிலை மாற்றம் என நம் கிராமத்தின் இயல்பான வாழ்வியல் அனுபவங்களை வெளிநாட்டவர்களுக்கு பயணத்தின் வழியாக வழங்கி வருகிறோம்.

‘‘இன்கிரடிபிள் இந்தியா இஸ் ஆல்வேஸ் என்றாலும், ‘நானே போனேன்... நானே பயணித்தேன்... நானே பார்த்தேன்...’ என்கிற பயண உணர்வை, அது தரும் அனுபவத்தை, வெளிநாட்டவருக்கு முழுமையாக வழங்குவதுதான் எங்கள் நோக்கம். 

அதனால்தான் ஆட்டோவை அவர்களே ஓட்டி, அவர்களாகவே பயணித்து, ஓட்டுநர் இருக்கையில் அமர்ந்து, நமது தமிழக கிராமங்களின் அழகை, வாழ்வியல் அனுபவங்களை வழிநெடுக பார்த்து உணர்ந்து மகிழ்ச்சியாகப் பயணிக்கிறார்கள்.

படும். அவர்களாகவே விரும்பி மேற்கொள்ளும் பயணம் என்பதால், ஒரே நாளில் நமது ஆட்டோவுக்கு அடாப்டாகி, சுலபமாக நமது சாலைகளில் ஆட்டோவை ஓட்டி பயணிக்க ஆரம்பித்து விடுவார்கள். 

இது அவர்களுக்கு ஒரு அட்வென்ச்சர் பயணம்தான்...’’ என்றவர், ‘‘ஒரு ஆட்டோவுக்கு மூவர் மட்டுமே இதில் அனுமதி. மூவருமே மாறி மாறி ஆட்டோவை ஓட்டுவார்கள். அவர்களின் உடமைகள் அனைத்தும் அவர்களுக்குப் பின்னால் ஒரு டிரக்கில் உடன் பயணிக்கும்...’’ எனப் புன்னகைக்கிறார்.