காங்ஸ் (எ) கனகா, லோக்கல் லோகநாதன், ஸ்வாதி... என ஒரு 10 நிமிட வீடியோவில் 15க்கும் மேலான கேரக்டர்கள், ஏராளமான கான்செப்ட்களுடன் இன்று இருக்கும் தனிநபர் யூடியூப் சேனல்கள் அத்தனைக்கும் முன்னோடி என்றால் அது ‘ஜம்ப் கட்ஸ்’ ஹாரி பாஸ்கர்தான். 

அன்லிமிடெட் இன்டர்நெட் காலமே துவங்காத வேளையிலேயே யூடியூப் சேனல் மூலம் தனக்கென தனி ரசிகர்களை உருவாக்கியவர். இவருடைய ‘எதுக்கு’ இப்போது வரையிலும் டிரெண்ட். தற்போது ‘Mr. ஹவுஸ்கீப்பிங்’ படம் மூலம் ஹீரோவாக அறிமுகமாக இருக்கிறார்.

இது வேற ஒரு களம். இங்கே விளையாட நிறைய தைரியமும், தன்னம்பிக்கையும், முக்கியமா திறமையும் வேணும். அந்தத் திறமையை வளர்த்துக்க நடிப்புப் பயிற்சிகள், என்னுடைய இன்னொரு சேனலிலேயே வெப் சீரிஸ், குறும்படங்கள், ஆல்பம், பாடல்கள்... இதெல்லாம் உருவாக்க ஆரம்பிச்சோம். 

என் தங்கச்சியும் விஸ்காம் ஸ்டூடண்ட்தான். நானும் அவங்களும் சேர்ந்தே சில புராஜெக்ட் செய்தோம். அதைத் தொடர்ந்துதான் இயக்குநர் அருண் ரவிச்சந்திரன் சந்திப்பு. அவரும் ஓர் இயக்குநராக தன்னை நிலை நிறுத்திக்க சில குறும்படங்கள், சீரிஸ் இதெல்லாம் செய்து தன்னுடைய ப்ரொஃபைல் பூஸ்டிங்கில் இருந்தார். சேர்ந்து பயணிக்க ஆரம்பிச்சோம்.

திருச்சி சொந்த ஊர். அப்பா ராஜேந்திரன், அம்மா விஜயா, தங்கச்சி மோனிஷா. அப்பா ஸ்போக்கன் இங்கிலீஷ் கிளாஸ் சொந்தமாக வைத்து நடத்திட்டு இருக்கார். அம்மா ஹவுஸ் வைஃப்.

எங்க சேனலில் வெப் சீரிஸ் மற்றும் ஷார்ட் ஃபிலிம்ஸ்காக நிறைய ஐடியாக்கள் யோசிச்சிட்டே இருப்போம். அப்படி யோசிச்ச ஒரு கதைதான் இந்தப் படம்.

இப்படி ஒவ்வொருத்தருமே சினிமாவுக்கு தயாரா தன்னை உருவாக்கியிருந்தாங்க. யூடியூப் சேனலில் ஒரு பெரிய பட்ஜெட் படம் செய்யலாம் அல்லது வெப் சீரிஸ் உருவாக்கலாம். இப்படி யோசிச்ச கதைதான் இந்தப் படமே. போஸ்ட் ப்ரொடக்‌ஷன் அத்தனையும் முடிச்சு பார்க்கும் பொழுது ஒரு முழுமையான வெள்ளித்திரைக்கான படமாகவே இருந்துச்சு.

 ஏன் வெள்ளித்திரையில் முயற்சி செய்யக் கூடாது அப்படின்னு முடிவெடுத்து இப்ப தியேட்டர் ரிலீசா ‘Mr. ஹவுஸ் கீப்பிங்’ வருது. நாங்க அத்தனை பேருமே முதல் சினிமா அறிமுகம் கொடுக்க காத்திருக்கோம். எடிட்டர் ராமசுப்பு என் கூடவே என்னுடைய சேனலில் வேலை செய்தவர். அவருக்கும் இதுதான் முதல் படம்.