இதுபோன்ற பல கேள்விகளுக்கான விடையினை அளித்து வருகிறார்‌ சென்னையைச் சேர்ந்த ஆன்சல்‌. இவர்‌ சான்றிதழ்‌ பெற்ற ஆர்கனைசர்‌. அதாவது, நம்‌ வீட்டை அழகாக அமைத்துத் தருபவர்‌. அதேசமயம்‌ இவர்‌ இன்டீரியர்‌ டிசைனர்‌ கிடையாது. பிறகு இவர்‌ எப்படி வீட்டை அழகாக மாற்றி அமைத்துத் தருவார்‌? அவரே பதில்‌ அளிக்கிறார்‌.

“ஒருவருடைய வீடு பார்க்க அழகாக இருக்குன்னு சொன்னா அவங்க தங்கள்‌ வீட்டில்‌ உள்ள பொருட்‌களை அழகாக அடுக்கி வைப்பவர்‌ என்று அர்த்தம்‌. எனக்கு சின்ன வயசில்‌ இருந்தே இந்தப் பழக்‌கம்‌ உண்டு. நான்‌ அன்றாடம்‌ அணியும்‌ துணியினைக்‌கூட என்னுடைய கப்போர்டில்‌ அடுக்கிதான்‌ வைப்‌பேன்‌.

இந்த அனுபவம்‌தான்‌ எனக்கு ஒரு வீட்டை எவ்வாறு அழகாக, ஒழுங்காக அமைக்க வேண்டும் என்பதைத் தெரிந்துகொள்ள உதவியது. இப்போது, எந்த ஒரு பொருளும்‌ இல்லாத வீட்டைப்‌ பார்த்தவுடனே, அந்த வீட்டில்‌ எந்தப் பொருட்களை எங்கு வைக்கலாம்‌ என்று என்‌ மனத்திரையில்‌ ஓடும்‌...” புன்னகைக்கும் ஆன்சல், தொடர்ந்தார்.‘‘நான்‌ பிசினஸ்‌ ஆரம்பித்த சில மாசங்களிலேயே கோவிட்‌ பாதிப்பு ஏற்பட்டது. கோவிட்‌ நேரத்தில்‌ யாரும்‌ வீட்டை விட்டு வெளியே போக முடியாத நிலை. 

அந்த சமயத்தில்‌ வீட்‌டில்‌ இருந்தபோது பலர்‌ என்ன செய்யலாம்னு யோசிச்சாங்க. நிறைய பேர்‌ தங்களின்‌ வீட்‌டில்‌ அன்று சமைத்த உணவுகளை வீடியோ எடுத்து போட ஆரம்பிச்சாங்க. சிலர்‌ புத்தகங்கள்‌ படிக்கும்‌ பழக்கத்தினை ஏற்படுத்திக்‌ கொண்டாங்க. ஒருசிலர் பேக்கிங்‌ என அவர்களுக்கு மனசுக்கு பிடிச்சதை செய்தாங்க.

அப்படித்தான்‌ ‘அரேஞ்ஜ் இட்‌ஆல்‌’ உருவானது...’’ என்று சொல்லும் ஆன்சல், இதில் இறங்குவதற்கு முன் ஏராளமான ஆய்வில் ஈடுபட்டாராம். ‘‘ஒரு தொழில்‌ துவங்கப் போகிறோம்‌ என்று திட்டமிட்டவுடன்‌, அந்தத் தொழிலை எவ்வாறு செயல்படுத்த வேண்டும்‌ என்பது குறித்த ஆய்‌வில்‌ ஈடுபடுவதே சரி. அப்படி நானும் ஆராய்ச்சியில் இறங்கினேன்‌. 

முதலில்‌ சின்னச் சின்ன பிராஜக்ட்களை எடுத்து செய்தேன்‌. மக்களுக்கு என்‌வேலை பிடிச்சிருந்தது. ஓரளவிற்கு என்‌ வேலை‌பற்றி அடையாளம்‌ கிடைத்த சமயத்தில்‌தான்‌ கோவிட்‌ பாதிப்பு ஏற்பட்‌டது. எல்லாரும்‌ வீட்டில்‌ முடங்க வேண்டிய சூழல்‌.

எங்களின்‌ வேலையே வீட்டிற்குள்‌ செய்வதுதான்‌. இந்தச் சமயத்தில்‌ யாரும்‌ வீட்‌டிற்குள்‌ அனுமதிக்க மாட்டாங்க. அதனால்‌ என்‌ வேலையிலும்‌ முடக்கம்‌ ஏற்பட்டது. கோவிட்‌டின் தாக்கம் கொஞ்சம்‌ குறைந்தபோது நாங்க சென்னையில்‌ செட்டிலாயிட்டோம்‌. இங்கு மீண்டும்‌ என் தொழிலுக்கான ஆய்வில்‌ ஈடுபட்டு வீடுகளை அமைக்கும்‌ பணியில்‌ கவனம்‌ செலுத்தி வருகிறோம்‌. 

ஒரு குறிப்பிட்ட பகுதி மட்டுமில்லாமல்‌ முழு வீட்டின்‌ அமைப்பையும்‌ அழகாக மாற்றி அமைத்துத் தருகிறோம்‌...” என்றவர்‌ தங்களின்‌ வேலை குறித்து விவரித்தார்‌.“வாடிக்கையாளர்‌ எங்களை அழைக்‌கும்‌போது, முதலில்‌ அவர்களின்‌ வீட்‌டிற்குச் சென்று அதன்‌ அமைப்பை பார்ப்‌போம்‌. அதன்‌பிறகு எந்தப் பொருளை எங்கு வைத்தால்‌ நன்றாக இருக்கும்‌ என்று திட்டமிடுவோம்‌. அடுத்து அவர்களின்‌ உடை மற்றும்‌ கிச்சன்‌ கப்‌போர்ட்கள்‌.

வீட்டை மாற்றி அமைப்பது ஒரு பெரிய வேலையா என்று கூட பலர்‌ கேட்டிருக்கிறார்கள்‌. ஆனால்‌, ஒரு நாள்‌ முழுதும்‌ வீட்டைச் சுத்தப்படுத்திப் பார்த்தால்தான் அதில்‌ இருக்‌கும்‌ கஷ்டம்‌ புரியும்‌. அதுவே ஒரு பெரிய மன உளைச்சலை ஏற்படுத்தும்‌. 

இதற்கான தீர்வை நாங்க கொடுக்கிறோம்‌. சிலர்‌ மூன்று மாதத்திற்கு ஒரு முறை வீட்டை அமைத்துத் தரச் சொல்லி அழைப்பார்கள்‌. சிலசமயம்‌ ஒரு வருட மெயின்டினன்சும்‌ நாங்க செய்கிறோம்‌. சிலர்‌ எனக்கு ஒரு முறை அமைத்துக்‌ கொடுத்‌தால்‌ போதும்‌, அதன்‌பிறகு நாங்க பார்த்‌துக்‌ கொள்கிறோம்‌ என்பார்கள்‌. அதற்கேற்பவும் ஒழுங்குபடுத்தித் தருகிறோம்...” என்று சொல்லும் ஆன்சல், சின்னச்‌ சின்ன டிப்ஸ்களும்‌ அளித்தார்‌.

“மூன்று மாதங்களுக்கு ஒரு முறை உங்களின்‌ கப்போர்ட்களை சுத்தம் செய்யுங்க. முக்கியமா தேவையற்ற துணிகளை அகற்றி, பயன்படுத்தும்‌ துணிகளை மட்டுமே வைத்‌துக்‌ கொள்ளுங்கள்‌. ஒரு குர்த்தி லெக்கின்ஸ்‌, ஜீன்ஸ்‌ என்பதுதான்‌பெண்களின்‌ அன்‌றாட உடையாகிவிட்டது. 

துப்பட்டா மற்றும்‌ லெக்கின்ஸ்களை நிறத்திற்கு ஏற்ப தனியாக அடுக்கி வைத்தால்‌, தேர்வு செய்வது எளிது. புடவைகளுக்கு உகந்த ஹேங்கர்களை தேர்வு செய்யுங்கள்‌. துணிகளை சுருட்டி வைக்காமல்‌ அழகாக மடித்து வையுங்கள்‌. அலுவலக உடை, வீட்டில்‌ அணியும்‌ உடை என்று பிரித்து வையுங்கள்‌.

விவரித்தார்‌.

“தற்போது சென்னை, பெங்களூர்‌, மும்பை, கொல்கத்தா போன்ற இடங்களில்‌ செய்து வருகிறோம்‌. அந்தந்த இடத்தில்‌ எங்களுக்கு என தனிப்பட்ட குழு அமைத்து செயல்படுத்தி