தமிழ் சினிமா ரசிகர்கள் விஜய், அஜித் படங்களில் என்ன குறியீடு இருக்கிறது என்று டார்ச் லைட் அடித்துத் தேடிக் கொண்டிருக்கையில் உலக நாடுகள் பலவும் இன்னொரு குறியீட்டை மெகா வாட் வெளிச்சம் அடித்துப் பார்த்துக்கொண்டிருக்கும். 

அதுதான் மனித வளர்ச்சிக் குறீயீடுகள். காரணம், இந்த மனித வளர்ச்சிக் குறியீடுகள்தான் ஒரு நாடு சுபிட்சமாக இருக்கிறதா இல்லை மண்ணை கவ்விக்கொண்டிருக்கிறதா என்று துல்லியமாக சொல்லும். 2024ம் ஆண்டு முடிவுக்கு வரும் தருவாயில் உலக நாடுகளுடன் இந்த மனித வளர்ச்சிக் குறியீடுகளில் இந்தியா எப்படி இருக்கிறது என்று பார்ப்போம்.

இந்த குறியீடுகள் எல்லாமே உலகளவில் இயங்கும் பிரபலமான நம்பத்தகுந்த நிறுவனங்களால் எடுக்கப்பட்டது என்பது குறிப்பிடத்தக்கது. 2014 முதல் 2024 வரையிலானவை இந்த ரேங்க் பட்டியல். 2014ல்தான் மோடியும் ஆட்சிக்கு வந்தார் என்று நினைவில் வைத்தால் இந்தக் குறியீடுகளின் முக்கியத்துவம் புரியும்.

ஐநா சபையின் ‘மனித வளர்ச்சிக் குறியீடு’ எனும் பட்டியல் ஒரு நாட்டு குடிமக்களின் ஆயூட் காலம், கல்வி ஆகியவற்றை தேசிய வருமானத்தின் அடிப்படையில் வைத்து அந்தந்த நாடுகளை பிரித்து மேய்கிறது. இதில் இந்தியா 2014ல் 130வது இடத்தில் இருந்தது. இப்பொழுது 134வது இடத்துக்கு - அதாவது 4 புள்ளிகள் சரிந்திருக்கிறது.

இதில் இந்தியா 2017ம் ஆண்டு இதற்கு எல்லாம் தடை இருக்கிறது என்று பெயரை வாங்கியது. இன்று அப்படியே மக்கள் கூடுவதற்கான வெளிகள் இருந்தாலும் அது ஒடுக்கப்படுகிறது என்ற பட்டத்தை வாங்கியிருக்கிறது.

‘ஃப்ரீடம் ஹவுஸ்’ என்ற அமைப்பு சட்டத்தின் ஆட்சி, அரசியல் பன்மைத்தன்மை, தேர்தல், அரசாட்சி, சிவில் உரிமை, பேச்சு சுதந்திரம், அசோசியேஷன், அமைப்பாகத் திரளுதல் பற்றி ஆய்கிறது. இவற்றுக்கெல்லாம் நூற்றுக்கு இத்தனை மதிப்பெண்கள் என்பதுபோல் புள்ளிகளை வழங்குவார்கள். இதில் இந்தியாவின் மார்க்? 2014ல் 77. இன்று 66.