இவரை எதிர்த்து கம்யூனிஸ்ட் கட்சி சார்பில் சத்யன் மோக்கேரியும், பாஜக சார்பில் நவ்யா ஹரிதாஸும் போட்டியிடுகின்றனர்.ராபர்ட் வதேராவின் சொத்து மதிப்பு ரூ. 66 கோடி என்றும், தனக்கு எதிராக 3 கிரிமினல் வழக்குகள் நிலுவையில் உள்ளன என்றும் தன் வேட்பு மனுவில் பிரியங்கா காந்தி தெரிவித்துள்ளார்.தனது ரூ.12 கோடி சொத்தில், ரூ.4.24 கோடி மதிப்புள்ள அசையும் சொத்துகளும், ரூ.7.74 கோடி மதிப்புள்ள அசையா சொத்துகளும் அடங்கும் என குறிப்பிட்டுள்ளார்.

மேலும், ரூ.1.09 கோடி மதிப்பிலான சொத்தை வாங்கி அதன் கட்டுமானத்துக்கு ரூ.5.05 கோடி செலவு செய்ததாகவும்; தனக்கு ரூ.15.75 லட்சம் கடன் உள்ளது என்றும், 2023 - 24 நிதியாண்டில் தனது ஆண்டு வருமானம் ரூ.46.39 லட்சமாக இருந்தது என்றும் பிரியங்கா பிரமாணப் பத்திரத்தில் கூறியுள்ளார்.