இந்தியாவே எதிர்பார்க்கும் திரைப்படம், பலகோடி ரூபாய் பட்ஜெட், இதுவரை இல்லாத வகையில் வித்தியாசமான கெட்டப்களில் சூர்யா, ரூபாய் ஆயிரம் கோடி வசூல் என்னும் எதிர்பார்ப்புடன் களமிறங்க காத்திருக்கிறார் ‘கங்குவா’. 

இந்த வருடத்திற்கான தமிழ் சினிமாவின் பிரம்மாண்ட படைப்பு என்றாலும் மிகை ஆகாது. எனினும் அந்தப் பரபரப்போ, டென்ஷனோ எதுவும் முகத்தில் காட்டிக்கொள்ளாமல் எப்போதுமான எளிமையான மனிதராகவே முகம் மலர உபசரிப்புடன் நம்மை வரவேற்கிறார் இயக்குநர் சிவா.

‘கேம் ஆஃப் த்ரான்ஸ்’, ‘வைக்கிங்ஸ்’... இப்படி ஓர் உலகத்தை உருவாக்கி அதில் கதை சொல்லும் படங்கள், சீரிஸ்... நிறைய ஹாலிவுட்டில் பார்த்திருக்கோம்.அப்படி ஒரு எக்ஸ்பீரியன்ஸ் தமிழ் ஆடியன்ஸ்க்கு கொடுக்கணும்னு ரொம்ப நாள் ஆசை. அதுதான் ‘கங்குவா’. 

பொதுவா ஆதிகாலத்தில் கூட்டம் கூட்டமாதான் வாழ்வாங்க. ஏதாவது ஓர் இயற்கையை கூட்டத்துக்கு குலதெய்வமாகவோஅல்லது அடையாளமாகவோ வச்சுக்குவாங்க.   அதில் ஒரு குழு நெருப்பை கடவுளா வணங்குறாங்க. இன்னொரு குழு ரத்தத்தை அடையாளமாக வச்சு வாழ்றாங்க.

அதிலே தலைவனுக்கு பெயர், கேட்கும்போது பளிச்சுன்னு இருக்கணும், அதேசமயம் ஹீரோயிசமாவும் இருக்கணும். அப்படி யோசிச்சப்போ மதன் கார்க்கி சொன்ன பெயர் ‘கங்குவன்’.

இந்த ரெண்டு கேரக்டர்களுக்கும் இடையிலே ‘உதிரன்’ என்கிற அரக்கத்தனமான ஒரு தலைவன். ரத்தத்தை அடையாளமாகக் கொண்ட மக்கள். கருணைக்கு அர்த்தமே தெரியாத கூட்டம். அவனுடைய கூட்டத்தில் எல்லாருக்குமே பெயர் கூட ரத்தத்தை அடையாளமாகக் கொண்டுதான் இருக்கும். இந்த மூணு கேரக்டரும் எப்படி எங்கே கனெக்ட் ஆகுறாங்க அப்படிங்கறதுதான் கதை. 

சூர்யா சார் டெடிகேஷன் எல்லாம் வார்த்தைகளில் சொல்ல முடியாது. கங்குவா கேரக்டரில் அவர் தயாராகி முதல் முறையா நிற்கும்போது ‘கிடைச்சுட்டாருடா என் கங்குவா’ அப்படின்னுதான் தோணுச்சு. இந்தியாவின் ஃபைனஸ்ட் ஆர்டிஸ்ட்களில் சூர்யா சாரும் ஒருத்தர்.

சவாலா இருந்துச்சு. ஆனால், கஷ்டமா இல்ல. காரணம் எனக்கு அமைஞ்ச டீம் அப்படி. படம் அறிவிச்சு ஆரம்பிக்கவே ஒரு சில தடைகளையும், சவால்களையும் சந்திக்க வேண்டி இருந்தது. பெரிய கூட்டம்... நிறைய தொழில்நுட்பக் கலைஞர்கள்... அத்தனை பேரையும் அடர்ந்த காட்டுக்குள்ள கூட்டிக்கிட்டு போய் படப்பிடிப்பு நடத்தணும். 

ஆனால், எப்பவுமே நான் தயங்கி நின்னது கிடையாது. அப்படியான பலமான டீம்.  சூரிய வெளிச்சமே நுழையாத காடா இருக்கணும்னு தேடியதில் தாய்லாந்து ஷாவ்ங்மே காட்டைத் தேர்ந்தெடுத்தோம். இதுவரையிலும் தாய்லாந்தின் அடர் காடுகளை அதிகம் படத்தில் காட்டி இருக்க மாட்டாங்கன்னு நினைக்கிறேன்.

ஈட்டிகள், வேல் கம்பு, 500க்கும் மேலான மாஸ்க்குகள், கவசங்கள்... இப்படி நிறைய. சேலஞ்சான உழைப்பைக் கொடுத்தாங்க அவருடைய டீம்.  சினிமோட்டோகிராபி வெற்றி. என்னுடைய முந்தைய படங்களிலிருந்து என்கூடவே பல வருடங்களாக பயணிச்சிட்டு இருக்கார். ரெண்டு விதமான உலகம்... அதை ரொம்ப அற்புதமா காண்பிச்சிருக்கார். 

முந்தைய படங்கள்ல குடும்ப எமோஷன் இருக்கும். இந்தப் படத்தில் மனிதம் என்கிற எமோஷன்ஸ்தான் கதைக்கரு. நிறைய உழைப்பைக் கொடுத்திருக்கோம். அத்தனையும் ஹாலிவுட்டில் மட்டுமே இருந்த உலகத்தை நம்ம தமிழ்ல, நம்ம ஆடியன்ஸ்கிட்ட காட்டணும் என்கிற ஆசைக்கான உழைப்பு. 

2.35 மணி நேரம் நல்ல விஷுவல் ட்ரீட் கிடைக்கும்.கதை எழுத ஆரம்பிக்கும் போதே இந்தப் படம் ஒரு பாகமாக சொல்லக்கூடிய கதை கிடையாது என முடிவு செய்துதான் ஆரம்பிச்சேன். இந்தப் படத்தின் ரிலீஸ்க்குப் பிறகு கூடிய சீக்கிரம் அடுத்த பாகத்தை ஆரம்பிச்சிடுவோம். இன்னும் பிரம்மாண்டமா 2ம் பாகம் எதிர்பார்க்கலாம்.