ஒரே இரவில் நடக்கும் க்ரைம் த்ரில்லர்!

‘‘‘காதல் கதை நல்லா இருக்கு... ஆனால், எனக்கு இப்போ காதல் கதை வேண்டாம். நல்ல கிரைம் கதை இருந்தால் சொல்லுங்க...’னு உதயநிதி சார் கேட்ட இந்த வார்த்தைகள்தான் இப்போது ‘கண்ணை நம்பாதே’ படம்...’’ பின்னணியில் ஆயுதங்களின் சப்தங்கள், பரபர டார்க் கிரைம் பிரத்யேக டிரெய்லருடன் நம்மை வரவேற்றார் இயக்குநர் மு.மாறன். அருள்நிதி நடிப்பில் ‘இரவுக்கு ஆயிரம் கண்கள்’ படத்திற்குப் பிறகு டபுள் டிரிபிள், கிரைம் திரில்லருடன் தயாராக இருக்கிறார் இயக்குநர் மு.மாறன்.

உதயநிதி ஸ்டாலின், ஆத்மிகா, சதீஷ், பூமிகா சாவ்லா, பிரசன்னா, ஸ்ரீகாந்த், வசுந்தரா உட்பட பலர் நடித்துள்ளனர். சித்துக்குமார் இசை அமைத்துள்ள இந்தப் படத்துக்கு ஜலந்தர் வாசன் ஒளிப்பதிவு செய்துள்ளார். லிப்பி சினி கிராப்ட்ஸ் சார்பில் வி.என்.ரஞ்சித்குமார் தயாரிக்கிறார்.‘இரவுக்கு ஆயிரம் கண்கள்’, ‘கண்ணை நம்பாதே’... இரண்டுமே கண்கள்... இரண்டுமே பிரபல பாடல் வரிகள்..?

அந்தப் படத்துக்கும் சரி இந்தப் படத்துக்கும் சரி இந்தத் தலைப்புகள் சரியா பொருந்திச்சு. தலைப்பு யோசிக்கும் போது எங்கேயோ அல்லது மனதில் ஓடிக்கொண்டிருந்த பாடல்கள்தான் இது. அந்தப் பாட்டு சிவாஜி சார் நடிச்ச ‘குலமகள் ராதை’ படப் பாடல், இந்த பாடல் எம்ஜிஆர் சார் நடிச்ச ‘நினைத்ததை முடிப்பவன்’ படத்தில் வருகிற ஃபேமஸ் பாடல். படம் முழுக்கவே இருட்டில் நடக்கற கதை என்கிறதால ‘கண்ணை நம்பாதே’ அப்படிங்கற தலைப்பு இந்த படத்துக்கு கரெக்ட்டா இருந்துச்சு.  

படத்தின் கதைக்களம் என்ன?