ஹோட்டல்களை தரையில் பார்த்திருக்கிறோம், தண்ணீரில் பார்த்திருக்கிறோம், சொகுசு கப்பலில் கூட பார்த்திருக்கிறோம்.ஆனால், வானில் பறந்து பார்த்ததுண்டா? அப்படி பறக்கும் ஹோட்டலைத்தான் இப்போது உருவாக்கி வருகிறார்கள். இன்னும் செயல்பாட்டுக்கு வரவில்லை.

ஆனால், மிகமிக விரைவில் செயல்படத் தொடங்கும் என்கிறார்கள்.இந்த பறக்கும் ஹோட்டல் அணுசக்தியால் இயக்கப்படும். பைலட்டும் ஆர்டிஃபிஷியல் இன்டலிஜென்ட்தான். அதாவது AI-பைலட். இந்த ஸ்கை குரூஸ் பல நாட்கள் அல்லது மாதங்கள் கூட வானில் பறக்குமாம்.

இந்த பறக்கும் ஹோட்டல் 20 அணுக்கரு இணைவு இயந்திரங்களால் இயக்கப்படும். பயணிகள் அந்தந்த இடங்களிலிருந்து ஏற்றி இறக்கப்படுவார்கள். ஸ்கை க்ரூஸ் காற்றில் இருக்கும்போது பழுதுபார்க்கலாம்... பராமரிப்பு வேலைகளையும் மேற்கொள்ளலாம் என்கிறார்கள் இதன் வடிவமைப்பாளர்கள்.சுமார் 5000 பேர்களை ஏற்றிக்கொண்டு பல ஆண்டுகள் இந்த விமானத்தில் பறக்க முடியும் என்பது கூடுதல் சிறப்பு.

ஒரு நீண்ட நாள் வெகேஷனுக்கு இது சிறந்த அனுபவமாக இருக்கக் கூடும் என்பதால் பல நிறுவனங்கள் இதில் ஆர்வம் காட்டுகிறார்கள்.