‘ஐயோ சாமி... நீ எனக்கு வேணாம்... பொய் பொய்யாய் சொல்லி ஏமாத்தினது போதும்...’சமீபத்தில் இலங்கையில் இருந்து வெளியாகி ட்ரெண்டான தனியிசைப் பாடலின் வரிகள் இவை. எப்படி தமிழகத்தில் உருவான ‘என்ஜாய் எஞ்சாமி...’ பாடல் உலகைக் கலக்கி ட்ரெண்ட் செட்டர் ஆனதோ, அதேபோல இப்போது ‘ஐயோ சாமி’ உலகத் தமிழர்களை உச்சரிக்க வைத்திருக்கிறது.

உலகம் முழுவதும் சுமார் ஒரு கோடிேய 25 லட்சம் பேர் இந்தப் பாடலைப் பார்த்து ரசித்துள்ளனர். இலங்கை நாடாளுமன்றத்திலும், மலேசியா தேர்தலிலும் கூட இந்தப் பாடல் ஒலித்திருக்கிறது. அவ்வளவு வைரலாகியிருக்கும் இந்தப் பாடலை எழுதியவர் இலங்கைக் கவிஞரும், தமிழருமான பாடலாசிரியர் பொத்துவில் அஸ்மின்.

வானொலி என்பது எங்கள் வாழ்க்கையுடன் தொடர்புடையது. இவைகளெல்லாம் என்னை கவிஞனாக்கியது. இலங்கை தேசிய பத்திரிகைகளில் என்னுடைய கவிதைகள் வந்திருக்கின்றன.

அவர்கள் இருவரையும் இது வரைக்கும் நான் நேரில் சந்தித்தது கூட இல்லை. தொலைபேசியின் ஊடாக தொடர்பு கொண்டோம். இந்தப் பாடல் சென்னையில்தான் உருவாக்கப்பட்டது. இந்தப் பாடல் உருவாக்கத்திற்குப் பின்னால் ஒரு கதை இருக்கிறது.

தமிழகத்தில் இருக்கிற என்னுடைய தோழி ஒருத்தி தன்னுடைய காதல் தோல்வியை என்னிடம் வேதனையாகப் பகிர்ந்துகொண்டார். தன்னை ஒருவர் ஏமாற்றிவிட்டதாகவும், அதனால் தற்கொலைக்கு முயன்றதாகவும், அவரை நம்பியிருந்த தன்னை துரோகம் செய்துவிட்டார் என்றும் சொன்னவுடனே, அந்தப் பெண்ணின் மனப்பான்மையில் இருந்து நான் இந்தப் பாடலை எழுதினேன்.