ஆனால், கத்தார் உலகக் கோப்பையின் நாயகன் என்றால், அது ஃபிரான்ஸ் அணியின் 24 வயதே நிரம்பிய கிலியான் பாப்பே என்பதை யாராலும் மறுக்க முடியாது. 

கடந்த 2018ம் ஆண்டு உலகக் கோப்பையில் ரவுண்ட் 16 சுற்றிலேயே அர்ஜென்டினாவை 4 - 3 என்ற கோல் கணக்கில் ஃபிரான்ஸ் வென்றது. அப்போதும் கிலியான் பாப்பேதான் இரண்டாவது பாதியில் இரண்டு கோல்கள் அடித்து வெற்றிக்கு வித்திட்டார்.

ஆனால், இம்முறை மூன்று கோல்கள் அடித்து சமநிலைப்படுத்தினாலும் பெனால்டியில் அர்ஜென்டினா வெற்றியைத் தனதாக்கியது. இருந்தும் பாப்பேயின் ஆட்டத்தைக் கண்டு உலகமே மெய்மறந்தது. அவரின் வேகமும், பந்தை ட்ரிப்பிள் செய்யும் விதமும், சட்டென கோல் போடும் திறனும் அவரை வியந்து பேச வைத்திருக்கிறது. உலக ரசிகர்களின் மனம் கவர்ந்த நாயகனாக மாறியிருக்கிறார் பாப்பே.

ஏஎஸ் போன்டி கால்பந்து கிளப் அணிக்காக விளையாடினார். அங்கு பயிற்சியாளராக இருந்த அன்டோனியோ ரிக்கார்டி சிறந்த பயிற்சியை வழங்க அங்கிருந்து பாப்பேவின் பயணம் தொடங்கியது. இவரின் வளர்ப்பு அண்ணன் ஜிரெஸ் கெம்போ கோகோவும், உடன்பிறந்த தம்பி எதன் பாப்பேவும் கூட கால்பந்து வீரர்கள் என்பது குறிப்பிடத்தக்கது. 

2017ல் பாப்பேவின் ஆட்டத்தைப் பார்த்து வியந்த பயிற்சியாளர் டெஷாம்ப்ஸ் அவரை ஃபிரான்ஸ் தேசிய அணியில் ஆட அழைத்தார். ஃபிரான்ஸ் அணியில் இடம்பிடித்தவர், பிறகு, 2018ம் ஆண்டு உலகக் கோப்பை அணியிலும் இடம்பெற்றார்.

அந்த உலகக் கோப்பையில் பெருவுடனான ஆட்டத்தில் ஒரு கோல் அடித்து அணியை வெற்றிபெறச் செய்து ப்ளேயர் ஆஃப் தி மேட்ச் விருதும் பெற்றார்.உலகக் கோப்பையில் பீலேவிற்குப் பிறகு இளம் வயதில் கோல் அடித்த இரண்டாவது வீரர் என்கிற பெருமையும் பெற்றார். அந்த உலகக் கோப்பையில் மட்டும் நான்கு கோல்கள் அடித்தார். இதனால், ஃபிபாவின் இளம் வீரர் விருது அப்போது பாப்பேவிற்குக் கிடைத்தது.