மதுரையில் நானும் அமீரும் எதிர் வீட்டுக்காரர்கள். வடிவேலு, பாலாவிடமும் பழகியதுண்டு. மதுரைக்காரர்கள் என்றாலே கொஞ்சம் சூடு பார்ட்டிகள் என்று எல்லோருக்கும் தெரியும். அப்படி நான் பார்த்து பழகியவர்கள் எல்லாம் சினிமாவில் ஜெயித்து வெற்றிக்கொடி பறக்க விட்டது எனக்குள் சினிமா தாக்கத்தை ஏற்படுத்தியது.

நாம் ஏன் சினிமாவில் டிரை பண்ணக்கூடாது என்ற முடிவுடன் கோடம்பாக்கத்துக்குள் அடியெடுத்து வைத்தேன். ஆனால், நான் நினைத்த மாதிரி சினிமா உலகம் இல்லை. மாமா, மச்சான் என்று பழகியவர்கள் நான் சினிமாவுக்கு ட்ரை பண்ணுகிறேன் என்றதும் அவர்களுடைய அப்ரோச் வேறு மாதிரி இருந்தது. எனக்கு பரிச்சயமான பாலா, அமீரிடம் எளிதாக உதவி இயக்குநராகச் சேர்ந்துவிடலாம் என்று நினைத்த எனக்கு ஏமாற்றம்தான் பரிசாகக் கிடைத்தது.

அது ஒரு விஜய் படம். பிரபல இயக்குநர் ஒருவர் அதன் இயக்குநர். ஒரு சண்டைக் காட்சியில் நியாயமான சஜஷன் சொன்னேன். அதனாலேயே ரிஜக்‌ஷன் நடந்தது. அப்படி நான் சந்தித்த பெரிய இயக்குநர்கள் அனைவரிடமும் ஒரே விதமான அணுகுமுறையைப் பார்க்க முடிந்தது. பிறகு, உதவி இயக்குநராக ஒரு சினிமா ஆபிஸ் திறந்தேன்.

அங்கு உலகின் பல படங்களைப் பார்க்கும் வாய்ப்பை ஏற்படுத்தினேன். ஃபெஸ்டிவலில் என்ன மாதிரியான படங்களைப் பார்க்கமுடியுமோ அதுமாதிரி உலக சினிமாவைப் பார்க்கும் இடமாக என்னுடைய ஆபிஸ் இயங்கியதை கேள்விப்பட்டு படம் பார்க்கப் பல இயக்குநர்கள் என்னுடைய அலுவலகத்துக்குப் படையெடுத்தார்கள்.

அந்த சமயத்தில் என்னைப் பெரிதும் பாதித்த இயக்குநர் மணிரத்னம். யாரிடமும் வேலை செய்யாமல் உலக சினிமாவை மட்டுமே பார்த்து அவரால் டைரக்டராக வரமுடிந்துள்ளது என்றால் என்னாலும் அப்படி வர முடியும் என்று துணிச்சலாக டைரக்‌ஷனில் இறங்கினேன்.

மறைந்த நடிகர் ஜே.கே.ரீத்திஷ் நடித்த ‘நாயகன்’ படத்தின் ஒரு பகுதியை இணை இயக்குநராக இயக்கும் வாய்ப்பை அதன் இயக்குநர் சரவண சக்தி கொடுத்தார். இதற்கிடையே ‘தப்பாட்டம்’, ‘ஆன்டி இண்டியன்’ படங்களைத் தயாரித்தேன். இப்போது ‘உயிர் தமிழுக்கு’ படம் வழியாக இயக்குநராக உங்கள் முன் நிற்கிறேன்.

சில சமயம் அவருக்குள் இருக்கும் இயக்குநர் அமீர் எட்டிப்பார்ப்பார். அதைநான் முழுமனதுடன் அங்கீகரிப்பேன். அவர் சொல்லும் ஐடியாக்கள் நியாயமாக இருக்கும். சில இடங்களில் எங்களுக்குள் ஆரோக்யமான விவாதங்கள் வரும். எடைத் தட்டு எந்தப் பக்கமும் சரியாதபடி இருவரும் பேலன்ஸ் பண்ணி ஒர்க் பண்ணினோம்.

அமீர் ஒரு வழிகாட்டியாக என்னை கைட் பண்ணிய இடங்களும் உண்டு. எந்த அமீரிடம் உதவி இயக்குநராக சேர ஆதம்பாவா ஆசைப்பட்டாரோ, அதே அமீரை பக்கத்தில் வைத்து ஒரு இயக்குநராக டைரக்‌ஷன் பாடம் கற்றுக்கொண்டார். படத்துல அமீர் கேரக்டர் பேர் எம்ஜிஆர் பாண்டியன். எம்ஜிஆர் ரசிகனாக வர்றார்.

ஹீரோயின் சாந்தினி ஸ்ரீதரன் மலையாளம், தெலுங்குல பல படங்கள் பண்ணியவர். தமிழில் ‘555’ பண்ணியவர். வழக்கமான டூயட் பாடும் ஹீரோயினாக இல்லாமல் ஹீரோவுக்கு இணையான ரோல். அதைப் புரிந்து நடித்தார்.ஆனந்தராஜ் கதையின் மையப் புள்ளியாக வர்றார். காமெடி ஏரியாவை அமீர், இமான் அண்ணாச்சி, சரவண சக்தி ஷேர் பண்ணிக்கொண்டார்கள்.

படப்பிடிப்புல அமீர், சிங்கம், சிறுத்தை சீறுகிற மாதிரி தெரியும். சினம் கொண்ட அந்த முகம் சினிமாவுக்கு மட்டும்தான். தனிப்பட்ட விதத்தில் அவருடன் பழகியவர்களுக்கு அவர் எவ்வளவு ஹியூமர் பர்சன்னு தெரியும்.  அந்தவிதத்தில் அமீரோட காமெடி பிரமாதமா ஒர்க்கவுட்டாகியிருக்கு. மொத்தத்தில் ஆச்சர்ய அமீராக இருப்பார்.

‘உயிர் தமிழுக்கு’ என்ற டைட்டில் மற்ற மொழிக்கு எதிரான படமோ, அரசியல் கட்சிகளுக்கு எதிரான படமோ இல்லை. படத்துல எந்த கருத்தும் சொல்லவில்லை. பிரசாரமும் பண்ணவில்லை. நாங்கள் தமிழுடன் விளையாடி கொஞ்சி மகிழ்ந்து உள்ளோம். என்னுடைய மொழியின் சிறப்பை சொல்லியுள்ளேன். இது குடும்பமாக ஜாலியாக பார்க்கக்கூடிய படம். ‘அமைதிப்படை’ மாதிரி சில இடங்களில் பஞ்ச் இருக்கும். நீங்கள் பல படங்களை  விநியோகம் செய்த விநியோகஸ்தர்.

 அப்படியிருக்கும்போது விநியோகத்துக்காக ‘மாநாடு’ சுரேஷ் காமாட்சியிடம் போனது ஏன்?

எங்கள் இருவருக்குமிடையே பல ஆண்டுகள் நட்பு தொடர்கிறது. என்னுடைய படத்தை பெரிய ரீலிஸாக எடுத்துச் செல்ல நினைத்தேன். ஒரு முறை தற்செயலாக சுரேஷ் காமாட்சி என்னுடைய அலுவலகத்துக்கு வந்தார். அப்போதுதான் என்னுடைய டேபிளுக்கு படத்தோட டபுள் பாசிடிவ் வந்தது.

என்னுடன் சேர்ந்து நட்பு ரீதியாக படம் பார்த்த சுரேஷ் காமாட்சி முதல் பாதி முடிந்ததும் ‘என்ன ரேட் சொல்றீங்க’னு கேட்டு இரண்டாம் பாதி முடிவதற்குள் தன் மானேஜருக்கு ஃபோன் பண்ணி அக்ரிமெண்ட்ல சைன் பண்ணிட்டார்.

மேடையில் கதாநாயகன் பிம்பத்தை உடைப்போம் என்று அமீர் பேசினார். சினிமா என்பது இயக்குநரின் மீடியம். அதனால் கதாநாயகன் என்ற பிம்பத்தை உடைப்போம் என்று அவருடைய கருத்தைப் பதிவு செய்தார். கதாநாயகர்களுக்கு சமூகப் பொறுப்பு முக்கியம்.

சமூக அவலங்களுக்கு அவர்கள் குரல் கொடுக்கணும். அதைத் தவிர்த்துவிட்டு திரையில் மட்டுமே குரல் கொடுக்கிறார்கள். அதை நிஜமாகவே பேசுபவர் என்னுடய ஹீரோ அமீர். நிஜவாழ்விலும் உரிமைக்குரல் எழுப்புபவரே ஹீரோவாக இருக்கமுடியும் என்பது என்னுடைய கருத்து. அந்த வகையில் ஹீரோ என்ற இமேஜ் அமீருக்கு பொருத்தமானது.