ஓ... மணமகனே!

சினிமா, சின்னத்திரை நிகழ்ச்சிகள் மூலம் ரசிகர்களின் இதயத்தில் இடம் பிடித்தவர் ஹரீஷ் கல்யாண். இப்போது ஹரீஷ் கல்யாண் இதயத்தில் திருமணம் எனும் பந்தம் மூலம் சொந்தம் கொண்டாட வந்துள்ளார் நர்மதா. திருமணம், வரவேற்பு நிகழ்ச்சி சிறப்பான முறையில் நடைபெற்ற நிலையில் புதுமாப்பிள்ளை ஹரீஷிடம் பேசினோம்.

நர்மதா கழுத்தில் தாலி கட்டிய தருணம் எப்படி இருந்தது?

நான் வீட்டுக்கு ஒரே பிள்ளை. அண்ணன், தம்பி, அக்கா, தங்கை என்று உடன்பிறப்புகள் யாரும் இல்லாததால் அவர்களுடன் பழகும் வாய்ப்பு கிடைக்கவில்லை. அப்படி ஒரு லைஃப் ஸ்டைலில் இருந்த என்னுடைய வாழ்க்கையில் மனைவி நர்மதா சொந்தமாக வந்தபோது எனக்கு சின்ன வயதில் கிடைக்காத அந்த தோழமை உறவை புது வரவாக பார்க்கிறேன்.
இரண்டாவதாக, பொறுப்பு உணர்வு. என்னைப்பற்றியே யோசித்துக் கொண்டிருந்த நிலையில் மனைவியைப் பற்றியும், மனைவியின் கோணத்திலிருந்தும் யோசிக்க வேண்டும் என்ற நிலைக்கு வந்திருக்கிறேன்.

பேச்சுலர் வாழ்க்கையில் ஒரு சில விஷயங்களில் அதிக கவனம் செலுத்தாத நிலை இருந்திருக்கும். திருமண பந்தத்துக்குள் வந்ததும் அப்படியில்லாமல் மனைவியின் விருப்பத்தை நிறைவேற்றும் விதமாகவும் யோசிக்க வேண்டும். அந்த வகையில் என்னுடைய சிந்தனைகள் மனைவியையும் சேர்த்து விரிவடைந்துள்ளது. பேச்சுலர் வாழ்க்கையில் என்னுடைய விருப்பத்துக்கு உடைகளை அணிந்து செல்ல முடியும். மனைவி வந்தபிறகு மனைவியின் விருப்பத்துக்கும் கொஞ்சம் இடம் கொடுக்க வேண்டும்.