சின்னத்திரை ரசிகர்களின் மனதில் நீங்கா இடம்பெற்ற தொடர் ‘ரோஜா’. இதில் ரோஜாவாக நடிக்கும் பிரியங்கா நல்காரி பலரின் மனங்களில் சிம்மாசனமாக வீற்றிருக்கிறார் என்றே சொல்ல வேண்டும். ‘அர்ஜுன் சார்...’ என சீரியலில் அவர் தன் கணவரை அழைக்கும் அழகைக்கூட பெண்கள் பலரும் ரசித்துக் கொண்டாடுகின்றனர்.

அந்தளவுக்கு பார்வையாளர்களின் உள்ளங்களில் மணக்கிறார் இந்த ரோஜா. ‘‘இது தமிழ்ல என் முதல் சீரியல். உண்மையில் இதற்கு இவ்வளவு ரெஸ்பான்ஸ் கிடைக்கும்னு நான் எதிர்பார்க்கல. சமீபத்துல திருச்சியில் நடந்த ‘சன் நட்சத்திரக் கொண்டாட்டத்துல’ நான் ஏங்கி ஏங்கி அழுதிட்டேன். தமிழ் மக்கள் பாசத்தைக் காட்டி எனக்கு ஆனந்தக் கண்ணீரை வரவழைச்சிட்டாங்க...’’ என உற்சாகம் பொங்க பேசுகிறார் பிரியங்கா.  

நான் அந்தக் கண்ணாடியைப் பார்த்திட்டு டான்ஸ் ஆடுறது, எக்ஸ்பிரஷன்ஸ் கொடுக்குறது, அதை அம்மாவுக்கு காட்டுறதுனு இருப்பேன். நானே சேலை கட்டிட்டு மேக்கப் எல்லாம் பண்ணுவேன். அதனால, அம்மாவும் அப்பாவும் என் திறமைய அங்கீகரிச்சு ஊக்கப்படுத்தினாங்க. இப்பவரை ஊக்கப்படுத்திட்டு இருக்காங்க.

அவங்க சப்போர்ட் இல்லனா நான் இந்த இடத்துல இருக்கவே முடியாது. நானாகவே டான்ஸ் கத்துக்கிட்டதும் ஸ்டேஜ் பெர்ஃபாமன்ஸ் பண்ணினேன். என் நடனத்தைப் பார்த்த ஒருத்தர் என்னைக் கூப்பிட்டு ஃப்ரீயா டான்ஸ் கத்துத்தர்றேன்னு சொன்னார். அப்ப வீட்டுல ஃபைனான்சியல் பிரச்னை இருந்தது.