புடவை கட்டினால் தேவயானி, சுடிதார் அணிந்தால் நயன்தாரா என எந்த உடையிலும் அழகை அள்ளித் தெளிப்பவர் காயத்ரி.  ‘18 வயசு’ படத்தில் ஆரம்பித்த இவருடைய திரைப் பயணம் ‘விக்ரம்’ வெற்றி வரை தொடர்கிறது. ‘மாமனிதன்’ ரிலீஸாகியுள்ள நிலையில் மழைக்கு மத்தியில் நம்மிடம் பேசினார் காயத்ரி.

‘மாமனிதன்’ அனுபவம் எப்படி இருந்தது?முதல் முறையாக சீனு ராமசாமி மாதிரியான இயக்குநருடன் வேலை செய்யும் வாய்ப்பு கிடைச்சது. சீனு சார் காதலை மிக அழகாகச் சொல்லும் படைப்பாளி. அவருடைய படங்கள் பார்த்தவர்களுக்கு அது தெரியும். இதிலும் காதலை அழகாகச் சொல்லியிருப்பார்.

இன்னும் ஓடணும்னு பாசிடிவ் ஃபீல் கொடுத்த படம். படத்துக்கும் என்னுடைய கேரக்டருக்கும் கிடைச்ச வரவேற்பு சந்தோஷத்தைக் கொடுத்துள்ளது. கமல் சார், ஃபகத்துடன் நடிச்ச அந்த ஆச்சர்யம் இப்ப வரை என்னைவிட்டு விலகல. சினிமாவுக்கு வந்து 10 வருடங்கள் ஆகிவிட்டது... இந்தப் பயணம் எப்படி இருக்கிறது?இதுல நல்லதும் நடந்துள்ளது.

சில கெட்டதும் நடந்துள்ளது. இந்த மாதிரியான சம்பவங்கள் சினிமா மட்டுமல்ல, வேறு எந்த துறையில் இருந்திருந்தாலும் நடந்திருக்கும்னு தோணுது. ஆனா, இந்தத் தருணம் எனக்கு ரொம்ப மகிழ்ச்சியா இருக்கு.

நடிப்பைப் பொறுத்தவரை அதிக சந்தோஷம் தருவது எது?நடிகையாக இருப்பதால் பல்வேறு வித்தியாசமான குணாதிசயங்களைக் கொண்ட பெண்ணாக வாழமுடிகிறது. நான் கிராமத்துல பிறக்கல. ஆனா, கிராமத்துப் பெண்ணாக என்னால் வாழ முடிகிறது.சிறந்த நடிப்பை வெளிப்படுத்த என்ன மாதிரி டெக்னிக் யூஸ் பண்றீங்க?நான் எப்போதும் செட்டுக்குபோகும்போது இயக்குநரின் நடிகையாகத்தான் போவேன்.

இயக்குநர் என்ன மாதிரியான இன்ஸ்ட்ரக்‌ஷன் கொடுத்தாலும் அதுக்கு நியாயம் செய்யப் பார்ப்பேன். சில இயக்குநர்கள் கதை சொல்லும்போதே அந்த கேரக்டராகவே மாறி முக பாவங்களாலும், உடல் மொழியாலும் நமக்கு நிறைய குறிப்புகளைக் கொடுப்பாங்க. அதை ரொம்ப குளோசா வாட்ச் பண்ணுவேன்.சினிமாவில் ஜெயிக்க திறமை அல்லது பயிற்சி மிகவும் முக்கியம் என்று நம்புகிறீர்களா?