துருக்கி நாட்டின் பாரம்பரியமான இனிப்பு, பக்லவா. 1453ம் ஆண்டு. துருக்கியை ஒட்டோமான் சாம்ராஜ்ஜியம் ஆண்டு வந்த காலம். அந்த சாம்ராஜ்யத்தின் முதல் சுல்தான், இஸ்தான்புல்லில் உள்ள டாப்காபி என்ற அரண்மனையில் வசித்து வந்தார்.

அந்த அரண்மனையின் முதன்மை சமையல் கலைஞர், மன்னருக்கு இந்த இனிப்பை முதல் முறையாக சமைத்துக் கொடுத்தார். இதன் அலாதி சுவையில் மயங்கிய மன்னர், இந்த இனிப்பு இனிமேல் ராஜ்ஜியத்தின் முக்கியமான உணவாகக் கருதப்படும் என்று அறிவித்தார். அத்துடன் அதற்கு ‘பக்லவா’ என்றும் பெயர் சூட்டியவர், ரம்ஜான் மாதத்தின் 15வது நாளன்று ‘பக்லவா அலாயி’ (பக்லவா விருந்து) படைப்பதையும் வழக்கமாக்கினார்.  

ஆனால், இங்கு தென்னிந்திய இனிப்பு வகைகள்தான் இருந்தன. அதனால் ஊரில் இருந்து, யாராவது வரும்போது பக்லவாவை வாங்கிக் கொண்டு வரச்சொல்வேன்.இந்தச் சூழலில்தான் நாமே இதற்கான சிறப்பு கடை ஒன்றை ஆரம்பித்தால் என்ன என்று தோன்றியது.

உடனே துருக்கிக்கு பறந்தேன். அங்குள்ள சிறப்பு பக்லவா சமையல் கலைஞரிடம் பேசி அவரை இங்கு அழைத்து வந்தேன். அவர் தயாரித்த பக்லவாக்களை முதலில் ஆன்லைனில் அறிமுகப்படுத்தினேன். கோவிட் காலமாக இருந்தாலும், ஆறே மாசத்தில் மக்களுக்கு பிடித்த டெசர்ட்டாக பக்லவா மாறியது.

சரய் சமாசி - பிஸ்கெட்டை தூளாக்கி அதன் மேல் சாக்லெட் சாஸ் மற்றும் பழங்கள் சேர்க்கப்பட்டிருக்கும். மங்நோலியா - புட்டிங், கிரீம், பிஸ்கெட் துகள்கள் மற்றும் பழங்கள் கொண்டு தயாரிக்கப்படும் கேக். இப்போது, துருக்கி கபாப் கவுன்டரும் தொடங்க இருக்கிறோம். இஸ்கந்தர் என்ற கபாப் உடன் மேலும் சில ஃபிளேவர் கபாப்களை அறிமுகம் செய்ய இருக்கிறோம்.