பொதுவாக குழந்தைகள் வாசிப்பதையும், எழுது வதையும் ரொம்பவே ஆர்வமாகச் செய்வார்கள். ஆனால், இங்கிலாந்தைச் சேர்ந்த பெல்லா ஜே டார்க் என்ற ஐந்து வயதுச் சிறுமி படிப்பது, எழுதுவதோடு மட்டுமல்லாமல், தான் எழுதிய கதையை புத்தமாக வெளியிட்டு அப்ளாஸை அள்ளி வருகிறார்.

அவர் எழுதியிருக்கும் புத்தகத்தின் பெயர், ‘தி லாஸ்ட் கேட்’. இதில் ஒரு பூனைக்குட்டி தனியாக வீட்டைவிட்டு வெளியே சென்றுவிடுகிறது. திரும்பி வர வழி தெரியாமல் தவிக்கிறது. தொலைந்து போனதைப் போல உணர்கிறது. அம்மாவின் துணையில்லாமல் எங்கேயும் செல்லக்கூடாது என்ற பாடத்தைக் கற்றுக்கொள்கிறது அந்தப் பூனைக்குட்டி.