முக்கனிகளில் ஒன்று பலா என்பதுதான் பலாப்பழத்தைப் பற்றி பொதுவாக பலரும் அறிந்த தகவல். ஆனால், ‘பலா மரங்கள் இருக்குமிடத்தில் பஞ்சம் வராது; உடலுக்கு ஆரோக்கியம் தரும்; நோய்களைத் தீர்க்கும்; வளர்ப்பவர்களுக்குப் பொருளாதார பாதுகாப்பு கொடுக்கும்’ எனப் பலரும் அறிந்திடாத பலாவிலுள்ள பல்வேறு நன்மைகளையும் சிறப்புகளையும் அடுக்குகிறார் ஹரிதாஸ்.

ஆக, எட்டு கோடி மக்கள்தொகை கொண்ட ஒரு மாநிலத்துல ஒருவர் ஆண்டுக்கு 250 கிராம், அதாவது கால் கிலோ அளவே பலாப்பழம் சாப்பிடுறார். இதையும் எல்லோரும் சாப்பிடறதில்ல. குறிப்பிட்ட சிலரே சாப்பிடுறாங்க. ஆனா, இதுல இருக்கக்கூடிய பயன்கள் அலாதியானது. அதைப் பற்றித் தொடர்ந்து பேசிட்டும், எழுதிட்டும் இருக்கேன்.

பலாப்பழம் தமிழ்நாட்டின் மாநில சின்னங்கள் பட்டியல்ல இருக்கு. அதாவது தமிழ்நாட்டின் பழம் எதுனு கேட்டா அது பலாப்பழம்தான். ஆனா, பலாப்பழம் பற்றி யாருக்கும் விழிப்புணர்வு இல்ல. அதன் அற்புதங்களும், பயன்களும் தெரியமாட்டேங்குது. அதனால, இதை பரவலா கொண்டு சேர்க்கணும்னு பலாவை காய்கறியா மாத்தி சாப்பிட வைக்கிற திட்டத்துடன் இயங்கிட்டு இருக்கேன்...’’ என வேதனையாகவும், நம்பிக்கை கலந்தும் பேசுகிறார் ஹரிதாஸ்.

இதன்பிறகு நான் வேளாண்மைத் துறையின் மாதாந்திரக் கூட்டத்தில் பேசறப்ப எல்லாம் பலா மரம் பற்றிக் குறிப்பிட்டேன். அதனால, பலாவில் யாருக்காவது சந்தேகம் வந்தால் ஹரிதாஸ்கிட்ட கேளுங்கனு சொல்ற அளவுக்கு வந்திடுச்சு. மற்றவங்க கேட்கும்போது நானும் பல விஷயங்களைக் கத்துக்க ஆரம்பிச்சேன். இப்படியாக, பலாவில் ஈடுபாட்டை அதிகரிச்சுகிட்டேன்.

கொஞ்சம் 40 டூ 60 நாட்கள் உள்ள முற்றாத காய்ல கொத்துக்கறி அவியல், பக்கோடா, பலா பிரியாணி, கட்லெட், ஆட்டுக்கறியுடன் பலா பொரியல்னு வெரைட்டி காட்டலாம். அப்புறம், முக்கால் பங்கு முற்றிய காய்ல இட்லி, தோசை, அடை உள்ளிட்ட ஐட்டங்கள் பண்ணலாம். முற்றிய பழுக்காத சுளையில் உலர்ந்த சுளைகள்ல மாவு தயாரிக்கலாம். பஜ்ஜி போடலாம். பப்படம் செய்யலாம். ஆப்பம் பண்ணலாம்.

அதுவே, பழுத்த பலாப்பழ சுளையா இருந்தால் ஐஸ்கிரீம், அல்வா, பலா கீர், பாயசம், ஒயின்னு நிறைய தயாரிக்கலாம். அடுத்து பச்சை பலாக்கொட்டையில் சாம்பார் பண்ணலாம். பலாக்கொட்டை கறி சமைக்கலாம். பலாக்கொட்டையை மாவாக்கி பூரி, சப்பாத்தி, முறுக்கு, பேக்கரி ஐட்டங்கள் எல்லாம் பண்ண முடியும்.

கிற பயிர்.

அடுத்து, இடுபொருட்கள் செலவோ, வேலையாட்களோ அதிகம் தேவைப்படாது. தண்ணீரும் அதிகம் வேண்டியதில்ல. ஒருமுறை நட்டு பராமரிச்சால் போதும். நான்கு ஆண்டுகள்ல நல்ல மகசூல் தரும். சுமார் 20 தலைமுறைகளுக்குப் பலன் கிடைக்கும். நல்லா பராமரிச்சால் கூடுதல் லாபம் பெறலாம். இல்லன்னா குறைஞ்ச லாபம் கிடைக்கும். அதனாலதான் இதை விவசாயிகளுக்கு சர்வ நிவாரணினு சொல்றேன்.

‘‘நான் 2016ல் அரசு வேலையிலிருந்து ஓய்வு பெற்றேன். அப்போதிலிருந்து ஆண்டுக்கு 50 ஆயிரம் முதல் ஒரு லட்சம் வரை பலா கன்றுகள் வழங்கிட்டு வர்றேன். இப்ப என்கிட்ட தமிழ்நாட்டுல உள்ள பத்துக்கும் மேற்பட்ட ரகங்கள் இருக்கு. தவிர, 20க்கும் மேற்பட்ட கர்நாடகா ரகங்களும், பத்து கேரள ரகங்களும் வச்சிருக்கேன். இதனுடன் தமிழ்நாட்டுல ஆங்காங்கே உள்ள ரகங்கள் இருக்கு.

இவற்றையெல்லாம் என் மையத்தில் உற்பத்தி பண்றேன். இப்ப யாராவது என்னிடம், ‘இந்தப் பலா மரம் நல்லா காய்க்குது. பழம் நல்லாயிருக்கு’னு சொன்னா போய் பார்த்து அதன் குச்சியை வாங்கிட்டு வந்து இங்கே மரமா பராமரிக்கிறேன். அப்படியாக, இப்ப நூற்றுக்கும் மேற்பட்ட பலா ரகங்களை ஒரு இடத்துல கொண்டு வந்திருக்கேன். இது எனக்குக் கிடைச்ச பெரும் வாய்ப்பு.