டான்ல ஆர்ட் டைரக்‌ஷனுக்கு என்ன வேலைனு கேட்பதே வெற்றிதான்!

காலரை உயர்த்துகிறார் கலை இயக்குநர் மகேஷ்குமார்

‘‘‘டான்’ல என்னுடைய ஆர்ட் டைரக்‌ஷன் நல்லா இருக்குன்னு சொல்றாங்க. அந்தப் பெருமை எல்லாமே என்னுடைய குருநாதர் முத்துராஜ் சாருக்குத்தான் சேரும். அவர்தான் எனக்கு சினிமா கற்று கொடுத்தார்...’’ அடக்கத்துடன் சொல்கிறார் கலை இயக்குநர் மகேஷ்குமார். சினிமாவுல நடிக்கதான் சான்ஸ் தேடுவாங்க...

உங்களுக்கு எப்படி ஆர்ட் டைரக்‌ஷன் மீது ஆர்வம் வந்துச்சு?

அடிப்படையில் நான் காலேஜ் ஆஃப் ஆர்ட்ஸ் ஸ்டூடண்ட். ஸ்கூல் படிக்கும்போது ஓவியம் வரைவதில் ஆர்வம் காட்டுவேன். என்னுடைய ஆர்வத்தைப் பார்த்த திருவேங்கடம் என்ற டிராயிங் மாஸ்டர் என்னை கைட் பண்ணினார். நண்பர்கள் கழகமும் எனக்கு உதவிக்கரமா இருந்துச்சு. காலேஜ் அட்மிஷன் அவ்வளவு சுலபமா கிடைக்கல. தமிழ்நாட்டிலேயே சென்னை மற்றும் கும்பகோணம் ஆகிய இரண்டு இடங்களில்தான் ஓவியக் கல்லூரி இருக்கு. நுழைவுத் தேர்வு எழுதிதான் செலக்ட் ஆக முடியும்.

காலேஜ்ல சிலை வடிவமைப்பு பிரிவை தேர்ந்தெடுத்தேன். சென்னை ஸ்டெர்லிங் சாலையில் சிலம்பம் கலையை போற்றும் விதமாக காட்சி தரும் சிலைகள், தரமணி பூங்காவில் பாசத்தை வெளிப்படுத்தும் அண்ணன் - தங்கை சிலைகள்... எல்லாமே என்னுடைய கைவண்ணத்தில் உருவானவைதான்.அதுதான் என்னை சினிமாவுக்குள் கொண்டுவந்தது. காலேஜ் முடிச்ச பிறகு கலை இயக்குநர் முத்துராஜ் சாரிடம் வேலை செய்யும் வாய்ப்பு கிடைச்சது.  ‘நண்பன்’ படத்தில் குழந்தை சிலையை வடிவமைக்கும் வாய்ப்பு கிடைச்சது. தொடர்ந்து முத்துராஜ் சாரிடம் சிலை தொடர்பான பணிகளை செய்து கொடுத்தேன். ‘ஐ’ படத்தில் சாரிடம் உதவியாளனாக சேர்ந்தேன். ‘தெறி’, மெர்சல்’, ‘ரெமோ’, ‘2.0’ வரை சாரிடம் இருந்தேன்.

முதல் படமே சிவகார்த்திகேயன் படமாக அமைந்தது எப்படி?