‘சும்மா சுர்ருன்னு...’ இப்படித்தான் அத்தனை குழந்தைகளும் முணுமுணுக்கிறார்கள். சன் பிக்சர்ஸ் தயாரிப்பில் பாண்டிராஜ் இயக்கத்தில் சூர்யா, பிரியங்கா மோகன் நடிப்பில் ‘எதற்கும் துணிந்தவன்’ ரிலீஸ் பரபரப்புக்கு இடையே நமக்கு ஹாய்சொன்னார் படத்தின் இசையமைப்பாளர் டி.இமான்.

‘‘ரொம்ப சந்தோஷமா இருக்கு. எவ்வளவு வைரல் ஹிட் அடிச்சாலும், ரெக்கார்ட் பிரேக்குகள் கொடுத்தாலும் நாம கம்போஸ் பண்ண பாடலை ரெண்டு குழந்தைகள் பாடிட்டுக் கடந்து போகும் போதுதான் ஓர் இசைக் கலைஞனா எனக்கு திருப்தி. குழந்தைகளை திருப்திப் படுத்துறதுதான் மிகப்பெரிய சவால். அது என் விஷயத்தில் நடக்குதுன்னு நினைக்கும்போது ரொம்ப சந்தோஷமா இருக்கு...’’ புன்னகைக்கிறார் டி.இமான்.

அந்த ‘சும்மா சுர்ருன்னு...’ வரியை மட்டும் நான் ஆரம்பிச்சு கொடுத்துட்டேன். அதைத் தொடர்ந்து சிவகார்த்திகேயன் வரிகள் எழுதினார். அதுவும் ‘டாக்டர்’ ரிலீஸ் பிரஷர்ல இருந்தப்ப!