“அந்தாளை எங்கப்பன்னு சொல்றதுக்கே மனசு வரலை...” என்றாள் மங்கையர்க்கரசி. மும்பையில் தனது மாதுங்கா அடுக்ககத்தின் மொட்டை மாடியில் நடந்தபடியே, ஸிட்னியில் பணிபுரியும் அவளது கல்லூரி சீனியர் அஸ்வினி மஞ்ச்ரேகரிடம் வீடியோ காலில் பேசிக்கொண்டிருந்தாள்.

“தஸா மன்னூ நகோஸ் க...” என்று மராத்தியில் ஆரம்பித்த சிநேகிதி உடனே தமிழுக்குத் தாவினாள் “அப்படியெல்லாம் சொல்லாதடி... என்ன இருந்தாலும் அவர்தான் நீ பிறக்கறதுக்கு மூலகாரணமா இருந்தவர்...”“உனக்குத் தெரியாது அஷ்வினி... சின்ன வயசுலேருந்து நான் ஆசைப்பட்ட எதையுமே செய்ய விடலை அந்த ஹிட்லர்... நிறைய கட்டுப்பாடு.

“உன்கிட்டதான் நிறைய புலம்பியிருக்கேனே அவரைப்பத்தி... என்னோட ஆசைகள் எல்லாத்துக்கும் தடங்கல் பண்ணியிருக்காரு. ஞாபகமிருக்கா... நாம எட்டாவது படிக்கறச்சே வாங்கடே ஸ்டேடியத்துல மேட்ச் நடந்தது. பசங்க ஸ்கூலை கட்டடிச்சுட்டு கிரிக்கெட் பார்க்க போனாங்க...”“தெரியும். ரஞ்சனா தேஷ்முக், ப்ரனிதி ஷிண்டே, வெங்கடேஷ் அப்யங்கர்... நானும்தான்...”

மீண்டும் வாகன நெரிசல். அடுத்த மாதம் வரவிருக்கும் மகாராஷ்ட்ரா சட்டசபைத் தேர்தலுக்கான அரசியல் கட்சிகளின் பரப்புரை. மேடையில் தேசியவாத காங்கிரஸ் பிரமுகர் பாஜகவை வசைபாடிக் கொண்டிருந்தார்.ஸ்ருதி, “சரி... அரசி... ஃப்ளைட் டிக்கெட் வாங்கிட்டு சொல்லு. ஏர்போர்ட் வந்து பிக்அப் பண்ணிக்கறேன்...” என்றாள்.

“ஓக்கே ப்ரோ... எம்பஸி வரப்போகுது. அப்பறமா பேசறேன்...” மிட்டீ நதிப் பாலத்தைக் கடந்து ஆஸ்த்ரேலியன் கான்ஸலேட் ஜென்ரலை அடைந்தாள்.சத்ரபதி சிவாஜி பன்னாட்டு விமான நிலையம் பரபரப்பாக இருந்தது. பயணிகள் பதற்றமாக அங்குமிங்கும் அலைந்து கொண்டிருந்தனர். ஒலி பெருக்கிகளில் இடைவிடாத அறிவிப்புகள்.

“அப்பா ஊர்ல இல்லாத சமயத்துல நீ பிடிவாதமா வெளிநாட்டுக்கு கிளம்பிப் போறது கொஞ்சம் கூட நல்லாயில்லைடி...’’ என்றாள் தாயார் பதற்றத்துடன். “செல்லுல கூப்ட்டாலும் போனை எடுக்க மாட்டேங்கறார்... இலக்கியக் கூட்டத்துல பேசிட்டு இருக்காரோ என்னமோ...”“நான் ஏற்கெனவே அப்ராட் போறேன்னு சொல்லியாச்சும்மா...” என்று சமாளித்தாள்.

“நீ பேசினதை நாங்க சீரியஸா எடுத்துக்கலை மங்கா... ரகசியமா இவ்வளவு ஏற்பாடுகள் பண்ணியிருக்கே... ட்ராலி எல்லாம் எப்ப வாங்கினே... எதுவுமே தெரியாது. திடுதிப்புன்னு இன்னைக்கு ஆஸ்திரேலியா போறேங்கறே...’’“உங்க வீட்டுக்காரர் இருந்தா என்னை போகவே விடமாட்டாரு... அதனாலதான் அவர் மெட்ராஸ் போகற சமயமா பார்த்து டிக்கெட் புக் பண்ணேன்...”

“நீங்களே சொல்லிடுங்கம்மா. நான் வாட்ஸப் பண்ணிடறேன். ‘கேப்’ வந்துடுச்சி. கிளம்பறேன்...’’“போயிட்டு வரேன்னு சொல்லுடி...’’ என்று புடவைத் தலைப்பால் கண்ணைத் துடைத்துக் கொண்டாள். அதற்குள் மீட்டர் டாக்ஸி கிளம்பி விட, வண்டியிலிருந்து தலையை நீட்டிய மங்கையர்க்கரசி கையசைத்தாள்.

வீட்டுக் கசப்பை மறப்பதற்காக, சமீபத்தில் எடுத்துக் கொண்ட சுயபடங்களை இன்ஸ்டாகிராமில் பார்க்கலானாள்.கடந்த வாரங்களில் தோழமைளுடன் மும்பை முழுக்கச் சுற்றித் திரிந்தது... நாரிமன் பாய்ண்ட் உணவகத்தில் பார்ட்டி கொடுத்தது... ஜூஹு கடற்கரை நீரில் கால் நனைத்தது... எலிஃபென்டா கேவ்ஸுக்கு படகில் சென்றது... பயமறியா இளங்கன்று போல, நாட்டு நடப்பு பற்றிய கவலையின்றி நட்பு வட்டத்துடன் கொண்டாடி மகிழ்ந்திருந்தாள்.

அவள் சிரமப்பட்டு “செல்வி மங்கையர்க்கரசி நமச்சிவாயம்...” என்பதை உச்சரித்து, “மாலை வணக்கம் அம்மணி. உங்கள் அலைபேசிக்கு செய்தி வந்திருக்குமே... ஆஸ்த்ரேலிய அரசாங்கம் வெளிநாட்டு விமானங்களை தரையிறங்க அனுமதிக்காததனால், இன்றிலிருந்து அந்நாட்டுக்கான சேவைகளை காலவரையின்றி ரத்து செய்துள்ளோம்...” என்றாள் தூய ஆங்கிலத்தில்.