‘‘அப்பா, இது உங்களுக்கு வீடு. எனக்கு கோயில். கோயிலுக்கு வரக்கூடாதுன்னு பகவான் சொல்லிட்டா அதுக்காக பக்தன் வராம இருந்திடுவானா? நான் வீட்டுக்கு வெளில நின்னு கும்பிட்டுக்கிறேன்...”கட் என்றார் டைரக்டர் சீனிவாசன்.படப்பிடிப்புத் தளத்தில் அங்கொன்றும் இங்கொன்றுமாக குரல்கள் எழுந்தன.

நடிகை கங்கா எந்த பொசிஷனில் நின்று வசனம் பேசி நடித்துக் கொண்டிருந்தாரோ அதே பொசிஷனில் அப்படியே சிலை போல் நின்றிருந்தாள். அவளுக்கு எதிரே நின்றிருந்த கேரக்டர்கள் கூட தள்ளிப் போய்விட்டிருந்தார்கள். கட் சொன்ன பிறகும் இவள் ஏன் இப்படி நிற்கிறாள் என்று சீனிவாசன் அருகில் போய் “கங்கா...” என்று அழைத்தவுடன் திரும்பினாள்.

அருகில் வந்த இயக்குநர் சீனிவாசன் சொன்னார். ‘‘கங்கா... என்னோட ரெண்டு படத்துல இவன் ஒர்க் பண்ணிருக்கான். நீங்க கதை கேட்டு ஓகே பண்ணீங்கன்னா அவன் வாழ்க்கை செட்டில் ஆகிடும்...’’‘‘சார்... கால்ஷீட் இன்னும் ரெண்டு வருசத்துக்கு ஃபுல்...’’‘‘ஓகே...” என்றபடி நகர்ந்தார் அவர்.

‘‘நான் வந்தது கதை சொல்றதுக்காக இல்ல...” சரண் தயக்கமாய்ச் சொன்னான்.‘‘பின்னே?’’‘‘உங்க குடும்பத்தைப் பார்த்தேன்...’’அதிர்ந்தாள். நம்ப முடியாமல் சரணைப் பார்த்தாள். அவன் தலையாட்டவும் , ‘‘ரியலி...’’ ஆச்சரியமாய் கத்தியபடி எழுந்தாள்.

கோபம் வந்து, ‘‘வாடா, இங்க சாப்பிட வேணாம்...’’ என்று எழுந்தான். “டேய் அதெல்லாம் ஏன் கண்டுக்கறே. உட்காரு...” என்றான் நண்பன். இட்லித் தட்டை அடுப்பிலிருந்து இறக்கி வைத்துக் கொண்டிருந்த பெரியவர் ‘‘டேய்... சார் கிளம்பறாரு. என்னனு பாரு...’’ என்றார்.கடைப் பையன் அருகே வந்து கேட்பதற்குள், சரண் அந்தப் பெரியவரைப் பார்த்து சொன்னான். ‘‘நான் சினிமால வேலை பார்க்குறேன்.

எனக்கு சோறு போடற டிபார்ட்மென்ட் அதான். இப்படி சொன்னா நான் எப்படி இங்க சாப்பிடறது?”“என்ன பண்றது. ஒருத்தருக்கு சோறு போடறதுதான் இன்னொருத்தரை வாழ விடாம தடுத்திட்டிருக்கும்...” பெரியவர் இட்லித் தட்டில் தண்ணீர் தெளித்துக் கொண்டே சொன்னார்.அந்தப் பெரியவரின் மனைவி இப்போது கல்லாவிலிருந்து குறுக்கிட்டார். ‘‘இங்க பாருங்க. வயிறார சாப்பாடு போடறோம். அதுல எதுனா குறை இருந்திச்சுனா கேளுங்க. இந்த நோட்டீஸ்ல இருக்கிற வார்த்தைக்கு எல்லாம் சாப்பிடாம போகாதீங்க...’’

‘‘உன் பேர் என்ன?’’“சுரேஷ், சத்தமா பேசாதீங்க. முதலாளி சுடு தண்ணியை முகத்துல ஊத்திடுவார். அப்புறம் நான் பெரிய ஹீரோவா வர்றது தடைபட்டுடும். முதலாளிக்கு சினிமான்னா பிடிக்காது. அவரோட பொண்ணு சினிமா ஆசைல ஓடிப் போயிடுச்சு...”‘‘பொண்ணு இப்ப எங்க இருக்கு?’’‘‘எங்க இருக்கா? நடிகை கங்காதான் இவங்க பொண்ணு!”

பிளாஸ்டிக் ஸ்டூல்கள் உடைந்து கிடந்தன.கங்கா அவனுக்கு மேல் அதிர்ச்சியானாள். “என்னாச்சு?’’‘‘நீங்க கீழே இறங்க வேண்டாம்...’’ என்று சொல்லிவிட்டு சரண் மட்டும் இறங்கி ஓட்டமும் நடையுமாய் பக்கத்தில் இருந்த கடையில் நுழைந்து கேட்டான். “என்ன ஆச்சு?”“ஏங்க... வியாபாரத்தை பார்ப்பேனா... வெட்டியா உட்கார்ந்து பதில் சொல்லிட்டிருப்பேனா...”

சுரேஷைக் கடிந்தபடி சரணும் மூர்த்தியும் இப்போது கங்காவை பாதுகாப்பதில் முனைந்தார்கள்.