வலைப்பேச்சு

@Janardhanan11 - கல்யாணம் ஆன காலத்துல இருந்து என் போன் டேப் ஆயிட்டுதான் இருக்கு. எத்தனையோ நாள் போட்ட சரக்கு ப்ளான் எல்லாம் மாட்டி, அதை சமாளிச்சு... தக்காலி, இதுல இவனுங்க வேற ஏதோ பெருசா ராணுவ ரகசியத்தை ஒட்டு கேட்டுட்ட மாதிரி!

@talksstweet - உலகமே நம்மள புத்திசாலினு ஒத்துக்கிட்டாலும் ஒருத்தி மட்டும் ஒத்துக்கவே மாட்டா... அவதான் மாமியா..!

@CIassyIntrovert - நாம இல்லனா கம்பெனி நடத்த முடியாது, நாம இல்லனா இவளுக்கு / இவனுக்கு இன்னொருத்தங்க கிடைக்கமாட்டாங்கனு நம்புறதெல்லாம் அதீத ஓவர் கான்ஃபி டென்ஸ். யார் போனாலும் ரிப்ளேஸ்மெண்ட் உண்டு இங்க.

@aadiraaadi - சம்பாதிக்க ஆரம்பித்தவுடன் ரொம்ப மகிழ்ச்சியாக இருக்கலாம் என நினைப்பதே சிறு வயதின் ஆகப்பெரிய மூட நம்பிக்கை!

@GreeseDabba2 - காய்கறி வாங்கும்போது மொத்தமா அள்ளி கூடையில போடாம, ஒவ்வொண்ணா செக் பண்ணி எடுத்து போடற மாதிரி நடிச்சா, பக்கத்துல நிக்கற ஆண்டீஸ் நம்ம திறமையைப் பத்தி உயர்வா எடை போட வாய்ப்பு இருக்கு.

@Lifeof_Ram - கைல பணம் இருக்குறது போல ஒரு சந்தோசம் வருமானு கேட்டா வராது...

@prabhu65290 - அடிக்கடி சாராயம் குடித்து பழகியவர்களின் மனநிலையும்; அடிக்கடி தற்பெருமை பேசிப் பழகியவர்களின் மனநிலையும் கிட்டத் தட்ட ஒரே மாதிரி இருக்கும். அடிமைத்தனத்துடன்.

@saysatheesh - எவரோடும் இறக்கி வைக்க முடியா துயரங்களை தூக்கி சுமந்து கொண்டே இருப்பதை விடவும் பெரிய தண்டனை வேறு என்ன இருந்து விடப் போகிறது?

@Kozhiyaar - தவறிழைத்தால் குழந்தைகளிடம் மன்னிப்புக் கேட்டுப் பழகுங்கள்! ஏனென்றால் அவர்கள் மன்னிப்பை நம்மிடம்தான் கற்க முடியும்!

@Asif Meeran - மார்த்தாண்ட வர்மா அரசராக இருந்த காலம். மாஹின் அபூபக்கரும் அவரது தாயாரும் அந்தக் காலகட்டத்தில் இஸ்லாத்தைப் பரப்புவதற்காக அந்தக் கடலோர கிராமத்திற்கு வருகை தந்திருக்கிறார்கள்.  மாஹின் அபூபக்கர் ஒரு சிறந்த மருத்துவராகவும் இருந்ததால் அவரது சிகிச்சையும் இனிய நடத்தையும் கடலோரவாசிகளில் அதுவரை தாழ்த்தப்பட்டவர்களாகக் கருதப்பட்டவர்களை இஸ்லாத்தின் பால் ஈர்க்கிறது. அதுவரை தாழ்ந்த ஜாதிக்காரர்களாக ஒடுக்கப்பட்டவர்கள் இஸ்லாத்தைத்  தழுவ அது காரணமாகிறது.

தாழ்த்தப்பட்டவர்கள் மதம் மாறிய செய்தி அரசருக்கு அதிர்ச்சியையும் கோபத்தையும் உருவாக்குகிறது. நேரடியாக அதனை எதிர்கொள்ளத் தயாரான மார்த்தாண்ட வர்மா அபூபக்கரையும்‌ அவரது தாயாரையும் அங்கிருந்து விலகிச் செல்லுமாறு பணிக்கிறார். ஆனால், அவர்கள் அதனை மறுத்து விட அரசரின் படை அங்கே அனுப்பப்படுகிறது.அதனைத் தொடர்ந்து படை வீரர்களுக்கும் கடலோரத் தொழிலாளர்களுக்கும் இடையிலான சண்டையில்  ஏராளமானோர்  இறந்து போகிறார்கள் -  மருத்துவரான அபூபக்கர் உட்பட.