கடந்த வாரம் சமூக வலைத்தளங்களில் ஹாட் டாபிக்கே ஏ.ஆர். ரஹ்மானும், அவரது மகனும் அணிந்திருந்த மாஸ்க்தான். இதை மாஸ்க் என்று சொல்வதைவிட, ஹை-டெக் கேட்ஜெட் என்று சொன்னால் சரியாக இருக்கும். ப்யூரிகேர் வியரபிள் ஏர் ப்யூரிஃபையர் (PuriCare Wearable Air Purifier) என்பது இதன் பெயர்.

காற்று மாசடைந்த பகுதிகளில் பயன்படுத்தப்படும் ஏர் ப்யூரிஃபையரைப் போல செயல்படுகிறது இந்த கேட்ஜெட். காற்றை வடிகட்டுவதற்காக H13, HEPA என்று இரண்டு வடிகட்டிகள் உள்ளன. எந்த  சிரமமும் இல்லாமல் சுவாசிக்க ஒரு குட்டி ஃபேன் உள்ளது. எப்படி சுவாசிக்கிறோம் என்பதை கண்காணிக்க ஒரு ரெஸ்பிரேட்டரி சென்சார் பொருத்தப்பட்டுள்ளது.