படுக்கையில் இன்னும் புரண்டு கொண்டிருந்தாள் அவள். பதினொரு மணிவரை தூங்கும் சக்களத்தி. எங்கிருந்து வந்தாள்? கோபம் வந்தாலும் காட்டிக்கொள்ளக்கூடாது. அவரிடம் சொல்லிவிட்டால்?குங்குமத்தை நடு நெற்றியில் வைத்து வலிக்க அழுத்திக்கொண்டாள். பக்கத்து வீட்டு பங்கஜம்கூட ஸ்டிக்கர் பொட்டுக்கு மாறிவிட்டாள்.

இங்கே? ஒரு நாள் வைத்ததற்கே சிடுசிடுவென்று இருந்தார் நாள்முழுவதும். “இன்னிக்கு இதுல ஆரம்பிப்பே. அப்புறம் உதட்டுக்கு சாயம், முகத்துக்கு மாவுன்னு ஆட்டக்காரியா ஆயிடுவே...”சமையல் உள்ளுக்குள் சென்றால் பாத்திரங்கள் மலையாக இருந்தன. எல்லாவற்றையும் அலம்ப நேரமில்லை. பால் பாத்திரத்தை மட்டும் எடுத்து அடுப்பில் வைத்துவிட்டு பாத்திரங்களைப் பிரிக்க ஆரம்பிக்கும்போது டெலிபோன் அடித்தது.

“நீங்க என்ன ஒழுங்கா இல்லை?”“கேக்க முடியுமா? மண்ணைப் பிடிச்சு வைச்சு மாமியார்ன்னாலும் கெத்து வந்துடுமே...

அவளைத் திட்டாதே, வேண்டியதைச் செஞ்சுகொடுன்னு சொல்லியிருக்கா...”“சரி, குழந்தை பிறக்கலைன்னு இன்னொருத்தியக்கூட்டி வந்துட்டார், இவங்களுக்கும் குழந்தை பொறக்கலைன்னா?”‘‘இன்னொரு கல்யாணம் பண்ணுவா. நாட்டுல பொம்மனாட்டிங்களுக்கா பஞ்சம்? உங்க ஆம்படையா மாதிரி ரத்து செய்யவா முடியும் எங்களால?”“இன்ட்ரஸ்டிங். ஆம்பளையா இருந்தா செம பீரியடுங்க உங்க டைம்...”

“ஆதரவாக் கதை கேட்டீங்களேன்னு பார்த்தேன். ஆனா, நீங்களும் ஆம்பளைன்னு காட்டிட்டேள். நான் படற பாடு பத்திக் கவலை இல்லை. உங்களுக்கு எது விசேஷம்னு மட்டும் பார்க்கறேள்...”‘‘அட நீங்க ஒண்ணும் பண்ணாம இருந்தாலே 2020 வந்துடும். நாங்க எல்லாம் டைம் ட்ராவல் பண்ணாத்தான் அந்த மாதிரி காலத்தைப் பார்க்க முடியும். முடிவு பண்ணிட்டேன், எந்தக்காலத்துக்கு வர்றதுன்னு...”“நிஜமாவே வரப்போறீங்களா?”“நிஜமாத்தான்.

உங்க விலாசம் கொடுங்க...”சுசீலா சொல்லி முடிக்கும் முன்னரே டெலிபோன் ஙொய் என்றது.“எதோ டெக்னிக்கல் ஃபால்ட். அதுக்கப்புறம் பேசமுடியலை...” திடீர்க்குரல் கேட்டதும் சுசீலாவுக்கு அதிர்ச்சி.  இவள் குரலை முதல் முறையாகக் கேட்கிறாள். எப்போது படுக்கையறையில் இருந்து வந்தாள்? எவ்வளவு நேரமாகக் கேட்டுக் கொண்டிருக்கிறாள்?

“அதுக்கப்புறம் 2 வருஷம் ஆராய்ச்சில 1960க்குப் போக ஒரு வழியைக் கண்டுபிடிச்சேன்.  என்கூடப் பேசினவங்களையே பார்த்துடலாம்னு இங்கே வந்தேன்... உங்க ஹஸ்பண்டைக் கண்டுபிடிச்சுட்டேன்...”சுசீலா ஆச்சரியமாகப் பார்த்தாள். இதென்ன கனவா?“உங்ககூட பேசின டேட்டு, நேரம் எல்லாம் கரெக்டாத்தான் செட் செஞ்சிருந்தேன்.

எதோ பிரச்சினை 2 நாள் முன்னாடி வந்துட்டேன்...”சுசீலாவுக்கு ஒன்றும் புரியவில்லை.‘‘டைம் ட்ராவல் முதல் முறை செஞ்சதால சில பிரச்னைகள். Grandfather Paradoxன்னு சொல்வாங்க - பயணம் செஞ்சு இங்கே வந்த நான் என் தாத்தாவைக் கொன்னுட்டேன்னா? நானே பிறக்க முடியாது, டைம் ட்ராவலைக் கண்டுபிடிக்கவும் முடியாது... அதை இயற்கையே தடுக்குது. திரும்பப் போக வச்சிருந்த வழி கெட்டுப்போச்சு. இனி போகமுடியாது...”“போன்ல பேசினது ஆம்பளைன்னா...”