திகட்டத் திகட்ட ஒரு ஆக்‌ஷன் படத்தைப் பார்க்க வேண்டுமா? உங்களுக்கான நல்ல சாய்ஸ், ‘களை’. ‘அமேசான் ப்ரைமி’ல் தமிழ் டப்பிங்கில் காணக்கிடைக்கிறது இந்த மலையாளப்படம். தெனாவட்டான ஓர் ஆள் ஷாஜி. ஆதிக்க மனப்பானமை வாய்ந்த அவனுக்கு மனைவியும் மகனும் இருக்கிறார்கள்.

அவன் செய்த பிசினஸ் எல்லாம் தோல்வியில் முடிகிறது. அதனால் ஷாஜியுடைய அப்பா அவனை ஒரு பொருட்டாகக் கூட மதிப்பதில்லை. இந்நிலையில் அவனுடைய தோட்டத்தில் வேலை செய்ய சிலர் வருகின்றனர். வேலை செய்ய வந்தவர்களில் ஒரு பழங்குடி இளைஞன் ஷாஜியைப் பழிவாங்குவதற்காக வந்திருக்கிறான். அந்த இளைஞனுக்கும் ஷாஜிக்கும் இடையில் என்ன பிரச்னை என்பதே ஆக்‌ஷன் திரைக்கதை.