மனதைக் குளிர்விக்கும் ஒரு மராத்தியப் படம், ‘பிகாஸோ’. ‘அமேசான் ப்ரைமி’ல் காணக்கிடைக்கிறது. தசாவதார் (கூத்து) கலைஞனின் வாழ்க்கையைச் சித்தரிக்கிறது இப்படத்தின் கதை. ஓவியர், சிற்பி என்று பன்முகத் திறமை கொண்ட கலைஞன், பாண்டுரங். கோயில்களில் ராஜா வேடம் தரித்து கூத்து நிகழ்த்துவதிலும் கைதேர்ந்தவன்.

அவனுக்கு உடல்நிலை சரியில்லாத மனைவியும், கந்தர்வா என்ற ஏழாம் வகுப்பு படிக்கும் மகனும் இருக்கின்றனர். மதுப்பழக்கமும் குடும்ப வறுமையும் பாண்டுரங்கின் கலைக்குத் தடையாக இருக்கின்றன. இருந்தாலும் ஒரு கோயிலில் நடக்கும் கூத்தில் நடிப்பதற்கு தன்னை தயார் செய்கிறான்.