“எங்க டைரக்டர் ஏ.ஆர்.முருகதாஸ் மனசிலே ரொம்ப நாளாக ஊறிக் கிடந்த கதை. அவர் ஒன்லைனில் அருமையாக கோர்த்து வைச்சிருந்தார். என்கிட்டே அதை திரைக்கதையாக ஆக்குவதில் முழு சுதந்திரம் கொடுத்து, இந்தப் படத்தை நீயே டைரக்ட் செய்னு இடமும் கொடுத்தார்.

முந்தைய படத்தின் சாயல் துளியும் இல்லாமல் அடுத்த படம் எடுக்கிறதுதான் ஓர் இயக்குநராக எனக்கு அழகு. டேக் வரைக்கும் மெருகேத்திக்கிட்டே போய் ரொம்பவும் பிரியமாகச் செய்த படம். அதனோட பலன் இப்போ எங்களுக்கு படமா வந்து நிற்கும்போதுதான் தெரியுது.

இவை எல்லாமே நிஜமான துப்பாக்கிகள்! மிலிட்டரியில் கொடுக்கிறார்கள். தமிழ் சினிமாவில் இத்தகைய, அரசியல் பேசும் படம் வந்திருக்கிறதா என தூரத்தில் வைத்து யோசித்துப் பார்த்தாலும் இல்லை. பொலிடிக்கல் த்ரில்லர் என்றாலும் இதுவரை பார்த்த அரசியல் படமென்ற வரிசையில் வராது.

அதற்குத்தானே இத்தனை தூரம் போய், அவ்வளவு நாட்கள் தங்கியது! இப்படியொரு விஷுவல்ஸ் காணக் கிடைக்கணுமே. ‘ராங்கி’யின் பெரும்பாலான காட்சிகள் இங்கே படமானதுதான். துவக்கத்தில் சென்னையில் இருக்கிற சூழல்; பிறகு வெளிநாட்டில் போய்ச் சேர்வதற்கான சூழல் ஆரம்பமாகும்.

இதுமாதிரி பொலிட்டிக்கல் த்ரில்லருக்கு பின்னணி அமைப்பது கடினமான பணி. மற்றவகை படங்களை விட இதில் உழைப்பு அதிகம். சி.சத்யா இதில் பிரமாதப்படுத்தியிருக்கிறார். ஒரு த்ரில்லருக்குத் தேவையான அத்தனை விஷயங்களையும் கவனித்து இசை அமைத்திருக்கிறார்.