‘‘ஒரு செமையான த்ரில்லர் தமிழில் வந்து எவ்வளவு நாளாச்சு… யோசிச்சுப் பாருங்க. வைரஸ் வந்து பாடுபடுத்திட்டு இப்ப தியேட்டர் திறந்தபிறகு உங்கள் ஞாபகத்திற்குள் அது அடங்காது. இது அடுத்தடுத்த ஆச்சர்யங்களோட அழுத்தமாக இருக்கிற த்ரில்லர்.

‘கபடதாரி’ங்கிற பெயருக்கு பாசாங்குக்காரன், பசுத்தோல் போர்த்திய புலின்னு எப்படி வேண்டுமானாலும் அர்த்தம் உண்டு. அருமையாக உட்கார்ந்து பார்க்க ஒரு படம். கன்னடத்தில் புனித் ராஜ்குமார் தயாரிக்க செம ஹிட்டடித்த படம். அதன் உரிமை வாங்கி இங்கே தமிழ், தெலுங்கில் தயாரிக்கிறோம்.

எனக்கு குவாவிட்டியில் கொஞ்சமும் குறை வைக்கக்கூடாதுன்னு ஆசை. அதற்கு சிபிராஜ் கொடுத்தது பெரிய ஒத்துழைப்பு. அவர் இப்போது செய்திட்டு வர்ற எல்லா படத்திலும் நல்ல முன்னேற்றம் தெரிகிறது. இப்படி யொரு நல்ல பாடி லாங்குவேஜில் நீங்க சிபியை பார்த்திருக்க மாட்டீங்க.