விஜய் நடிப்பில் ‘திருமலை’, ‘ஆதி’; தனுஷ் நடிப்பில் ‘சுள்ளான்’ ஆகிய வெற்றிப் படங்களை இயக்கிய ரமணா, கடுமையான புற்றுநோயால் தாக்கப்பட்டு தன்னம்பிக்கையுடன் போராடி அதிலிருந்து மீண்டவர். அத்தனை நெருக்கடி தருணங்களையும் விவேகத்துடனும், துணிச்சலாகவும், ஜாக்கிரதையாகவும் தாண்டியவருக்கு இந்த கொரொனா லாக்டவுன் காலம் கற்றுத்தந்தது என்ன..?“கேன்சரின்போது 35 நாட்கள் அப்போலோவில் இருந்தேன்.

வெளியில் என்ன நடக்கிறது எனத் தெரியாமல், வெயில் கூடப் படாமல் இருந்த காலங்கள். மரணத்தின் அசல் முகத்தை எட்டிப் பார்த்த தருணங்கள் அவை. இதில் பாதிக்கப்பட்டது நான்தான். உயிர் பிழைப்பேனா என்பது கூட எனக்கான சுயநலம்தான்.