உலகம் முழுவதுமுள்ள ஓரினச் சேர்க்கையாளர்கள், இருபால் உணர்வில் நாட்டம் உள்ளவர்கள், திருநங்கை - திருநம்பி ஆகியோரை உள்ளடக்கிய சமூகத்தை, LGBT (Lesbian, Gay, Bisexual, Transgender) என்று அழைக்கின்றனர்.

இந்தியாவில் தன்பாலின உறவு குற்றமில்லை என உச்சநீதிமன்றம் அறிவித்த பிறகு LGBT சமூகத்தினரும், அவர்களுக்கு ஆதரவாக உள்ளவர்களும் கூடுதல் தன்னம்பிக்கையுடன் வலம் வரத் தொடங்கியுள்ளனர். ஏனெனில், இன்னும் பல நாடுகளில் இவை அனைத்தும் குற்றமாகவே பார்க்கப்படுகின்றன.

சந்தித்தே வருகின்றனர். குடும்பத்திலிருந்து புறக்கணிப்பு, கல்வி, வேலைவாய்ப்புகளில் உரிமை மறுப்பு... எனத் தொடரும் துயரங்கள் ஏராளம்.

ஆக, இவர்களுக்கே இப்படி உள்ளபோது, அவர்களை மாபெரும் கனவோடு வளர்க்கும் பெற்றோர்களுக்கு உடனே புரிதல் ஏற்படவேண்டும் என எதிர்பார்ப்பது எந்தவகையில் சரி..? இந்த சிக்கல்களை எதிர்கொள்ளும் வகையில் பெற்றோர்களை வழிநடத்தத்தான் மும்பையில் ஒருசிலர் கூட்டாக இணைந்து அமைப்பு ஒன்றைத் தொடங்கியுள்ளனர்.

இவர்கள் அனைவருமே LGBT சமூகத்தைச் சார்ந்தவர்களின் பெற்றோர்கள் என்பதுதான் ஹைலைட்.யெஸ். LGBT சமூகத்துக்காக இயங்கி வரும் சித்ரா பாலக்குடன் இணைந்து 2017ம் ஆண்டு பதிவு செய்யப்பட்ட அமைப்பாக இதை உருவாக்கியுள்ளனர். இதற்கு முன் பல குழுக்கள் இருந்தாலும் இதுவே முதன் முதலில் பதிவு செய்யப்பட்ட அமைப்பு.