ஆஸ்திரேலியாவில் மூன்று மாதங்களாகக் காட்டுத்தீ பரவி வருகிறது. இதில் லட்சக்கணக்கான உயிரினங்களுடன், இருபதிற்கும் அதிகமான மக்களும் உடல் கருகி உயிரிழந்துள்ளனர். மேலும் பல அரிய வகை மரங்கள், மூலிகைகள் பூக்களும் மறைந்துபோயுள்ளன.

வரலாறு காணாத இந்த அபாயம் மேலும் சில மாதங்கள் கூட நீடிக்கலாம் என வல்லுனர்கள் கூறிவரும் நிலையில், அங்கு திடீரென வானம் கருஞ் சிவப்பாக மாறியுள்ளது. அதாவது காற்றில் நச்சு கலந்திருக்கிறது. இதனால் என்ன விபரீதம் நிகழுமோ என மக்கள் அச்சப்படுகின்றனர்.

பின்லாந்தில், உலகின் இளம் பிரதமராக சன்னா மரின் தலைமை தாங்குகிறார். பதவியேற்ற சில நாட்களிலேயே, அந்நாட்டு மக்களின் வேலை நேரத்தில் பெரும் மாற்றத்தையும் முன்மொழிந்துள்ளார்.

அதன்படி, இனி வார விடுமுறை மூன்று நாட்களாகவும், தினமும் வேலை நேரத்தை ஆறு மணியாகவும் குறைத்திருக்கிறார். இதனால் மக்கள் இனி அதிக நேரத்தை தங்கள் குடும்பத்தோடு செலவிடலாம் என்று அறிவித்தார். இதில் பல விமர்சனங்கள் முன்வைக்கப்பட்டாலும், தொழிலாளர்களுக்கு இச்செய்தி மகிழ்ச்சியளித்துள்ளது.

கேரளா மாநிலம் கொச்சியில், குடும்பஸ்ரீ என்ற இயக்கத்தின் ஒரு திட்டமாக ஆட்டோ உணவகங்கள் அறிமுகப் படுத்தப்பட்டுள்ளன. இதை முழுவதும் பெண்களே நிர்வகித்து வருவது கூடிய சிறப்பு. முதற்கட்டமாக 9 ஆட்டோக்கள் அடுப்புடன் கூடிய சிறிய சமையலறை போன்று மாற்றி அமைக்கப்பட்டுள்ளன.

பெண்களே இந்த ஆட்டோவை இயக்கவும் பயிற்சி அளிக்கப்பட்டுள்ளது. தேநீர், ஆம்லெட் போன்ற தின்பண்டங்கள் மட்டும் ஆட்டோவில் சமைத்து, மீதி உணவுகளை மொத்தமாக மையத்தில் சமைத்து இதில் விற்க ஏற்பாடுகள் செய்யப்பட்டுள்ளன. இந்த ஆட்டோ உணவகங்களில் குறைந்த விலையில் ஆரோக்கியமான உணவு வழங்கப்படும் எனக் கூறுகின்றனர்.