ரஜினியின் ஒரிஜினலான வீரம், ஈரம், சக்ஸஸ்தான் தர்பார் ஏ.ஆர்.முருகதாஸ் அதிரடி!

சென்னைக்கும் மும்பைக்கும் சீஸன் டிக்கெட் போட்டு பறந்து பறந்து வேலை பார்த்து, கச்சிதமாக படத்தை வெளியிட்டு ரிசல்ட் கொடுத்த தெம்பில் மகிழ்ச்சியும் திருப்தியுமாக புன்னகைக்கிறார் இயக்குநர் ஏ.ஆர்.முருகதாஸ்.

‘‘அரிசியிலிருந்து அன்பு வரைக்கும் ஒரிஜினலைத் தேடித்தானே ஒவ்வொருத்தரும் போறோம். அப்படி ஒரு ஒரிஜினலான வீரம், ஈரம், சக்ஸஸ்- இதுதான் ‘தர்பார்’. மும்பையிலிருக்கிற போலீஸின் தர்பார் என்கிற அர்த்தத்தில் எடுத்துக்கலாம். அதற்கு ஒரு வலிமையான கதையோடு இணைச்சு சொல்லியிருக்கேன்.

ரஜினியின் படங்களிலிருந்து நிச்சயம் வித்தியாசப்பட்டு அவரை என்னோட பாணியில் வடிவமைச்சிருக்கேன். ஃபேமிலி ஆடியன்ஸ், குழந்தைகள், மாஸ் ஆடியன்ஸ்னு எல்லோருக்கும் பிடிக்கிற விஷயங்கள் இருக்கு. ரொம்ப சந்தோஷமா பார்த்துட்டு வெளியே வரலாம்.