ஒரு நிறுவனம் தனது புதிய தயாரிப்பை அறிமுகப்படுத்தும் நிகழ்வு என்பது சாதாரணமானது அல்ல. விளம்பரம், நிகழ்ச்சி ஏற்பாடு என ஏகப்பட்ட பணத்தை வாரி இறைக்க வேண்டும்.

தவிர, நேரிலும் இணையத்திலும் லட்சக்கணக்கான மக்கள் அந்த நிகழ்வைப் பார்ப்பார்கள். யானைக்கும் அடி சறுக்கும் என்பது போல அந்த நிகழ்வுகளில் கூட சில சொதப்பல்கள் ஏற்பட்டு வைரலாகிவிடுகின்றன. அவற்றில் சில இதோ...

மைக்ரோசாஃப்ட் நிறுவனத்தின் ‘விண்டோஸ்’ டிவிஷனின் பிரசிடண்ட்டாக இருந்தவர் ஸ்டீவன் சினோஃப்ஸ்கி. 2012ம் வருடம் மைக்ரோசாஃப்ட் சர்ஃபேஸ் டேப்லெட்டை அறிமுகப்படுத்தினார்.

அந்த டேப்லெட் வேலை செய்யும்விதம், அதன் சிறப்பம்சங்களை அவர் பட்டியலிட்டு அதை செயல்படுத்திக்காட்டும்போது டேப்லெட் வேலை செய்யாமல் நின்றுவிட்டது. அதாவது ‘ஹேங்’ ஆகிவிட்டது. கொஞ்ச நேரத்துக்குப் பிறகு அது வேலை செய்ய ஆரம்பித்தபோது சினோஃப்ஸ்கி அதை ஆஃப் செய்துவிட்டார்!