தொல்(லைக்) காப்பியம்

லோட்டஸ் கிங் அண்ணனுக்கு மனம் திறந்த கடிதம்!

சாரணர் தேர்தல் தொடங்கி சட்டமன்றத் தேர்தல் வரைக்கும் கோட்டை விட்டாலும்,  நாடாளுமன்றத் தேர்தலிலே நோட்டாவே
உங்கள் ஓட்டு வங்கி மீது நட்ட நடுவில் ஓட்டை போட்டாலும், சற்றும் சேட்டை குறையாமல் விளம்பர வேட்டைக்கு, குண்டு இல்லாத துப்பாக்கியை துண்டில் மூடிக் கொண்டு செல்லும் எங்கள் அண்ணன் லோட்டஸ் கிங்குக்கு வாழ்த்துகளும் வணக்கங்களும்.

உங்கள் ரசிகர்கள் உங்களை டுவிட்டர் சந்திலே துவட்டி எடுத்தாலும், ஃபேஸ்புக் மந்தையில் புரட்டி எடுத்தாலும், எழுதியது என் அட்மின் என டைவர்ட் பண்ணிவிட்டு, ஆத்து மீன் வேகத்தில் அடி ஆழத்துக்கு நாட்  ரீச்சபுள் ஆகும் குலேபகாவலியே... சொட்டு நீர் பாசனத்தை சிறுநீர் பாசனமாக்கி, மொழியை சின்னாபின்னமாக்கி, மொழிபெயர்க்கிறேன் என்ற பெயரில் தமிழ் மொழியையே பெயர்த்தவரே... இந்தி மொழிக்கே இஞ்சி டீ கொடுத்தவரே... நீங்கள் நலமாக இருப்பீர்கள் என மிக பலமாக நம்புகிறேன்.