‘‘நாங்க இத நியான் ஃபேஷன்னு சொல்வோம்.

80கள்ல ஆரம்பிச்ச டிரெண்ட் அப்பறம் கொஞ்ச நாள்ல காணாம போயிடுச்சு…’’ என பகிர்ந்துகொள்ள ஆரம்பித்தனர் டிசைனர்ஸான ஜானும் அனந்தும். சமீபத்தில் நியான் தீம் வைத்து ஷோ நடத்தியிருக்கும் இவர்கள் இதுதான் அடுத்த ஃபேஷன் அப்டேட் என்கிறார்கள்.

‘‘இப்பவே சில கடைகள்ல பிங்க், ஆரஞ்ஜ் நிறங்களை நீங்க அதிகமா பார்க்கலாம். காரணம், மக்கள் பளிச் கலர்ஸை விரும்ப ஆரம்பிச்சுட்டாங்க. தனித்தன்மையோடு இது இருப்பதும் ஒரு ரீசன்.அதாவது முன்ன ஏதோ ஒரு கடைக்குப் போவோம்...

துணியை எடுப்போம்... டைலர்கிட்ட சின்னச் சின்ன டிசைன்ஸ்ல தைக்க கொடுப்போம். பிறகு கடைல சேல்ஸ்மேனை கூப்பிட்டு ஒரு டிரெஸ் வாங்க நூறு டிரெஸ்ஸை பிரிச்சுக் காட்ட சொன்னோம். தென்... பொட்டிக் போய் நாமே நமக்கு வேண்டியதை செலக்ட் செஞ்சோம்.

எல்லாத்துக்கு பின்னாடியும் இருக்கிற சைக்காலஜி ஒண்ணுதான். நாம் அணியற மாதிரி மத்தவங்க உடை போட்டுக்கக் கூடாது. ஊரே நம்மை திரும்பிப் பார்க்கணும்!இந்த மனநிலையோட லேட்டஸ்ட் வெர்ஷன்தான் பிரைட் கலர்ஸ். பொதுவா வெள்ளை நிறம் அணிஞ்சா நம்மைச் சுத்தி பாசிட்டிவ் வைப்ரேஷன்ஸ் இருக்கும்னு சொல்வாங்க. நியான் கலர்ஸ் ஒருவகைல அப்படித்தான்.

வெள்ளையும் நியான்தான்! நியானும் வெள்ளைதான்! சாதாரண லைட்ல ஒரு கலராவும், யுவி லைட்ல டியூப் லைட் கலர் போலவும் தெரியற கலர்ஸ் நிறைய இருக்கு. அப்படியான கலர்ஸை நீங்க தேர்வு செய்தாலும் பெரிசா கண்களை உறுத்தாது!’’ என அனந்த் சொல்லிக்கொண்டிருக்கும் போதே ஜான் குறுக்கிட்டார்.