செலிபிரேஷன் மூடில் பறக்கிறது ‘மின்னலே’ மெகா தொடரின் ஸ்பாட். சன் டிவியில் நண்பகல் 1.30 மணிக்கு ஒளிப்பரப்பாகி வரும் இத்தொடர் நூறாவது எபிசோடை தாண்டியிருப்பதால் யூனிட்டில் துள்ளுகிறது சந்தோஷம். ‘மின்னலே’யை இயக்கி வருபவர் பி.நக்கீரன்.

இதற்கு முன் மரணமாஸ் ஹிட்டான ‘கோலங்கள்’, ‘திருமதி செல்வம்’ மெகா தொடர்களை கன்னடத்திலும், தமிழில் ரம்யா கிருஷ்ணனின் ‘தங்கம்’, ‘வம்சம்’ தொடர்களையும் இயக்கியவர் இவர். மட்டுமல்ல பெரியதிரையிலும் ‘நிலாவுக்கு 2 சீட்டு’ என்ற படத்தை இயக்கி முடித்திருக்கிறார்!‘‘எங்க குடும்பமே கலைக் குடும்பம்தான்! கொள்ளு தாத்தா சுப்பிரமணி வாத்தியாரும், தாத்தா குப்புசாமி வாத்தியாரும் நாடகக் கம்பெனி நடத்தியிருக்கறதா எங்க ஆயா சொல்லியிருக்காங்க...’’ என ஃப்ளாஷ்பேக்கை ஓபன் செய்யும் பி.நக்கீரன், பி.ஏ. பொருளாதாரம் முடித்தவர்.