மண்ணிலேயே புதைந்து பூமியின் நிலத்தடி நீர் முதல், மண்வளம் வரையென அத்தனையையும் மாசுபடுத்தும். இதையெல்லாம் அறிந்த பெரம்பலூர் டான் அறக்கட்டளை குழு, சுற்றுவட்டார பள்ளிக் குழந்தைகள் பலரையும் இணைத்து அட போட வைக்கும் செயலை செய்துவருகின்றனர்.

அப்படிதான் மரம் நடுதல், ஏரி சுத்தப்படுத்துறதுனு நிறைய செய்துட்டு இருக்கோம். இந்த நேரத்துல்தான் பிளாஸ்டிக் பாட்டில்களின் ரீ யூஸ் பத்தி ஆன்லைன்ல தெரிஞ்சுகிட்டேன்.தானாகாவே முன்வர பள்ளிக் குழந்தைகள் பலரையும் சேர்த்துக்கிட்டு பாட்டில்கள், பாலிதீன் கவர்களைக் கொண்டு வேலி அமைச்சோம். அப்ப சில சந்தேகங்கள், கேள்விகள் வந்துச்சு. அதுக்கான பதில்களை முழுமையா தெரிஞ்சிக்கிட்டுதான் இப்ப செயல்படறோம்.

அதாவது பிளாஸ்டிக் பாட்டில்களை பாலிதீன் கவர்கள்ல நல்லா அழுத்தி அடைச்சு அதை வெச்சு கட்டினா ஒரு செமி வீடே கட்டுற அளவுக்கு வலிமையா இருக்கும்.

இணையத்தைப் பார்த்துதான் இதை கத்துகிட்டோம்...’’ என்று சொல்லும் டான் அறக்கட்டளை நிர்வாகியான மித்ரா கிறிஸ்டோபர், ஏரியாவிலேயே பொதுப் பூங்காக்கள், பள்ளியில் உள்ள செடிகள் என எல்லா பகுதிகளிலும் சுற்றுச்சுவர் போல் இந்த பிளாஸ்டிக் சுவர்களை எழுப்பியிருக்கிறார்.