COFFEE TABLE

குல்ஃபி பல்டி

செம குஷியில் மிதக்கிறார் எமி. ‘2.0’வில் தனது அதிரடி ஆக்‌ஷன் ஒர்க் அவுட்களை படப்பிடிப்பின் போதே மொபைலில் சேகரித்து வைத்திருந்தார்.
அந்த சாகசங்களை ரசிகர்களுடன் பகிர இப்போதுதான் வாய்ப்பு கிடைத்திருக்கிறது. விடுவாரா..? தான், அந்தரத்தில் பல்டி அடிக்கும் காட்சி ஒன்றை இன்ஸ்டாவில் தட்டிவிட, அடுத்த சில மணி நேரங்களில் 13 லட்சம் பார்வையாளர்களைக் கவர்ந்திழுத்திருக்கிறது அந்த குல்ஃபியின் பல்டி.

கேலக்ஸி வாட்ச்

‘சாம்சங்’ நிறுவனம் தடாலடியாக கேலக்ஸி வாட்ச்சை சந்தையில் இறக்கியுள்ளது. தினமும் நீங்கள் நடக்கும் தூரம், இதயத்துடிப்பின் அளவு உட்பட ஸ்மார்ட்வாட்ச்சில் உள்ள அனைத்து வசதிகளும் இதிலும் இருக்கிறது. அத்துடன் வாட்ச்சை ப்ளூடூத் வழியாக மொபைலுடன் இணைத்துவிட்டால் ஜிம்மில் ஒர்க் அவுட் செய்துகொண்டே மனதுக்குப் பிடித்த பாடல்களைக் கேட்கலாம்; காதலியுடன் உரையாடலாம்; மெசேஜ் அனுப்பலாம்.
கவர்ச்சியாக வடிவமைக்கப்பட்டுள்ள இந்த வாட்ச்சின் விலை ரூ.29,990.

மோசடித் திட்டம்

‘‘விவசாயிகளின் நலனுக்காக உருவாக்கப்பட்ட மோடியின் பயிர் காப்பீட்டுத் திட்டத்தில் பெருமளவு மோசடி நடந்துள்ளது...’’ என்று அதிர்ச்சியளிக்கிறது ஓர் ஆய்வு.‘‘கடந்த மாதம் எடுக்கப்பட்ட புள்ளி விவரங்களின்படி விவசாயிகளுக்குக் கொடுக்க வேண்டிய காப்பீட்டுத் தொகையில் ரூ.2,829 கோடி நிலுவையில் உள்ளது...’’ என்கிறது அந்த ஆய்வு.

‘‘இந்த நிலுவையின் மூலம்தான் பல தனியார் இன்சூரன்ஸ் நிறுவனங்களும், வங்கிகளும் கொள்ளை லாபம் அடித்துள்ளன...’’ என்கிறார் பிரபல விவசாய நிபுணர் சாய்நாத்.‘‘உண்மையில் இந்தத் திட்டம் விவசாயிகளுக்குச் சாதகமானது. அவர்களைத் தற்கொலையில் இருந்து மீட்கும் திட்டம் கூட. ஆனால், சிலரின் சுயநலத்தால் இதன் நோக்கமே சிதைந்துபோனது...’’ என்று வருந்துகின்றனர் சமூக ஆர்வலர்கள்.

ஏழைத்தாயின் மகன்