சர்கார்

தீவிரவாதிகளையும் குடிநீர்க் கொள்ளையையும் தட்டிக்கேட்ட விஜய், இந்தத்தடவை ‘சர்காரி’ல் சுளுக்கெடுப்பது தேர்தல் முறைகேடுகளை.ஓட்டுப்போட வேண்டிய ஒரே காரணத்திற்காக அமெரிக்காவிலிருந்து இந்தியாவிற்கு வருகிறார் கார்ப்பரேட் சிஇஓ விஜய். ஓட்டுப்போட்டு விட்டு அழகாக திரும்ப வேண்டிய அவசியத்தில் வருகிறவருக்கு அதிர்ச்சி.

அவரின் ஓட்டை இன்னொருவர் போட்டுவிட கோபத்தின் உச்சிக்குப் போகிறார். தன்னையே ஏமாற்றி விட்டார்கள் என்ற ஆத்திரம் வர சூடேறுகிறார். நீதிமன்றத்தின் படிக்கட்டுகள் ஏறுகிறார். முழு தேர்தலுக்கே தடை வாங்கி அரசியல்வாதிகளுக்கு சவால் விடுகிறார். உடன் தமிழகத்தின் சூழல், வறுமை, நிர்வாகப் பிரச்னைகள் என பலவற்றை உணர்ந்த விஜய் அனலாகிறார். அவரது அடுத்த கட்ட காய் நகர்த்தலில் அரசியல் எதிரிகளை சாய்த்தாரா? என்பதே பரபர திரைக்கதையின் மீதிக்கதை.