‘‘இந்த ‘நீயா 2’ உருவாக காரணமே சன் டிவிதான்! நான் பாலுமகேந்திரா சாரின் உதவியாளன். இடதுசாரி சிந்தனையாளன். அட்வகேட். நாத்திகவாதி. கும்பகோணத்துக்காரன். மழைக்குக் கூட கோயில் பக்கம் ஒதுங்க விரும்பாதவன்.

அப்படிப்பட்டவன் பாம்புக் கதையை இயக்கறது தெரிஞ்சதும் நண்பர்கள் ஷாக் ஆகிட்டாங்க! நம்ம ஒவ்வொருத்தர் பெயர்லயும் உலக வங்கில கடன் இருக்குனு உணர்த்தின ‘எத்தன்’தான் என் முதல்படம். அதையடுத்து விஷ்ணு விஷாலை வச்சு, ‘கலக்குறே மாப்ளே’ இயக்கினேன். முக்கால்வாசி படம் முடிஞ்சது. சில காரணங்களால் அது டேக்ஆஃப் ஆகல.

ஹீரோ, ஜெய். மதுரைல வசிக்கற கோபக்கார இளைஞர், சாஃப்ட் வேர் பையன்னு ரெண்டு கெட்டப்ல வர்றார். டபுள் ஆக்‌ஷன் இல்ல. ராய்லட்சுமி, கேத்தரின் தெரசா, வரலட்சுமினு படத்துல மூணு ஹீரோயின்கள். தவிர பாலசரவணன், லோகேஷ், சத்துனு பலரும் இருக்காங்க.

ஆரம்பத்துல சின்ன பட்ஜெட் படமா இருக்கும்னு நினைச்சேன். ஆனா, நல்ல தயாரிப்பாளர் அமைஞ்சதால, ஜெய், கேத்தரின், வரலட்சுமினு நல்ல ஆர்ட்டிஸ்ட்கள் அமைஞ்சிட்டாங்க. என் குருநாதர் பாலுமகேந்திரா சார் அடிக்கடி ஒரு விஷயத்தை சொல்லுவார், ‘ஒரு நல்ல கதை தனக்கான விஷயங்களை தானே தேர்ந்தெடுத்துக் கொள்ளும்!’னு  இந்த ஸ்கிரிப்ட் அதை எனக்கு உணர்த்துச்சு. 

எல்லா ஹீரோயின்களுக்கும் தனித்தனியா ஸாங் இருக்கு. காம்பினேஷன் சீன்களும் உண்டு. சாலக்குடி, தலக்கோணம், கொடைக்கானல்ல ஷூட்டிங் நடந்திருக்கு. அங்கெல்லாம் நாங்க ஸ்பாட்டுக்கு போறதுக்கு முன்னாடி வெயில் கொளுத்தி எடுக்கும். ஆனா, ‘ஆக்‌ஷன்’னு குரல் கொடுத்ததும் சட்டுனு மழை பெய்ய ஆரம்பிச்சிடும்!

வரலட்சுமியும் டெடிகேஷனான பொண்ணு. ஸ்பாட்டுக்கு அவங்க வந்தாலே கலகலனு இருக்கும். ஆனா, ‘டேக்’னு குரல் கொடுத்ததும், கேரக்டராகவே மாறிடுவாங்க. அப்படி ஒரு சின்ஸியர் பொண்ணு. கேத்தரின் தெரசா, நீச்சல் குளத்துல குளிக்கறதுக்கு மினரல் வாட்டர் கேட்டாங்களாமே?

படத்தின் பெரும்பாலான காட்சி களை காட்டுக்குள்ளதான் ஷூட் பண்ணினோம். கேத்தரினுக்கு பாம்புனாலே பயம். ராய் லட்சுமியும், வரலட்சுமியும் தைரியமானவங்க. படத்துல கிராபிக்ஸுக்கும் முக்கிய பங்கு இருக்கு. ஹீரோயின்கள் ஒவ்வொருத்தரும் பாம்பாக உருமாறும் காட்சிகள் மிரட்டும்.