‘‘சீரியல்களுக்கு டயலாக் எழுதற வேலைனா அது ஏதோ புரணி பேசறதுனு பலரும் நினைக்கறாங்க. அப்படியில்ல. இது ரசனையான துறை. இங்க இளம் எழுத்தாளர்கள் நிறைய பேருக்கு வேலையிருக்கு.

எப்படி சினிமால நடிக்கத் தெரிஞ்ச ஹீரோயின்களுக்கு டிமாண்ட் இருக்கோ, அப்படி நல்ல ரைட்டர்ஸுக்கு சீரியல்ல டிமாண்ட் இருக்கு. உழைக்கத் தயங்காத உள்ளமும், பொறுப்போடு எழுதும் ஆர்வமும் இருந்தா போதும். இந்தத் துறைக்கு வந்து பிரகாசிக்கலாம்...’’

புதியவர்களை புன்னகையுடன் வரவேற்கிறார் மருதுசங்கர். ‘அழகி’, ‘அழகு’ உட்பட பல மெகா தொடர்களுக்கு வசனம் எழுதியவர்; எழுதி வருபவர். ‘‘விகடன் டெலிவிஸ்டாஸின் ‘அழகி’ சீரியலின் 80வது எபிசோடுல இருந்து அது முடியற வரைக்கும் டயலாக் எழுதியிருக்கேன். அந்த டைம்ல மறக்க முடியாத அனுபவங்கள் நிறைய கிடைச்சது.

ஒருநாள் மார்க்கெட்டுக்கு காய்கறி வாங்கப் போயிருந்தேன். அந்தக் கடைக்காரர், தன் நண்பர்கிட்ட என்னை அறிமுகப்படுத்தினார். ‘அழகி’க்கு வசனம் எழுதறது நான்னு தெரிஞ்சதும் உடனே தன் வீட்டுக்கு போனைப் போட்டு, ‘எங்க அம்மாகிட்ட பேசுங்க... என் தங்கச்சிகிட்ட பேசுங்க’ன்னு பாசமழை பொழிஞ்சார்.

எதிர்பாராத பாராட்டுல நெகிழ்ந்துட்டேன். ஒரு ரைட்டருக்கு இப்படி பாராட்டுகள் கிடைக்கறது பாக்கியம்...’’ உருகும் மருதுசங்கர், சினிமாவில் பாடலாசிரியராக வேண்டும் என்ற கனவுடன் சென்னைக்கு வந்திருக்கிறார்.

‘‘பூர்வீகம், சமயபுரம் பக்கம் புறத்தாக்குடி. அப்பா, சீனிவாசன். அம்மா, ஜானகி. அவங்க ஊர்ல சுண்ணாம்பு வியாபாரம் செய்துட்டிருந்தாங்க. சாதாரண குடும்பம். ஒரே அண்ணன். அசோகராஜன். வீட்ல அப்ப வசதி இல்லாததனால மூணாவது வரை புதுக்கோட்டைல பெரியம்மா வீட்ல இருந்து படிச்சேன். அப்புறம் இருங்களூர், புறத்தாக்குடி, புலாங்குறிச்சினு சில ஊர்கள்ல படிப்பை முடிச்சேன்.

பி.ஏ. இலக்கியம் படிக்க ஆசை. ஆனா, அண்ணன் சொன்னதால பி.எஸ்சி பிசிக்ஸ் படிச்சு முடிச்சேன். காலேஜ்ல நடந்த கவிதைப் போட்டில முதல் பரிசு கிடைச்சது. அப்ப கவர்னரா இருந்த சென்னாரெட்டி கையால பரிசு வாங்கினேன்.

கவிதைக்கு பரிசு கிடைச்சதும், ‘சினிமால பாட்டெழுது’னு நண்பர்கள் உசுப்பேத்தினாங்க. நானும் அதை நம்பினேன்! என் கவிதைகளை ‘செல்லுலாயிட் சிறகுகள்’னு தொகுப்பாவும் கொண்டு வந்திருக்கேன்! இடைல பி.எட் முடிச்சேன். ஏதாவது ஸ்கூல்ல வாத்தியாரா போவேன்னு வீட்ல நினைச்சாங்க.

‘‘என் நண்பர் டிவி சேனல்ல வேலை பார்க்கிறார்னு கேள்விப்பட்டு அவரைப் பார்க்கப் போனேன். சேனல்ல அவர் இல்ல. மறுநாளும் போனேன். அவரைப் பார்க்க முடியலை. அவரை எதிர்பார்த்து சேனல் ரிசப்ஷன்லயே வெயிட் பண்ணுவேன். இப்படியே நாட்கள் போச்சு.

இதுக்குக் கிடைச்ச வரவேற்புல ‘உயிரோட்டம்’ சீரியல் கிடைச்சது. அதுக்கு திரைக்கதை எழுதினேன். இடைல ஜெமினி டி.விக்காக ‘அம்சவிருட்ஷம்’, ‘காரலபுத்தரரு’னு ரெண்டு தெலுங்கு சீரியல்கள் எழுதி, இயக்கினேன்.

சினிமா கனவுகள் அப்படியே இருந்ததால சினிமாவில் இயக்குநராகும் முயற்சியைத் தொடர்ந்தேன். ஆனா, சீரியல் வாய்ப்புதான் தேடி வந்துச்சு. சன் டி.விக்காக ‘மணிக்கூண்டு’ சீரியலுக்கு திரைக்கதை எழுதினேன். அடுத்து ‘அவளுக்கென்று ஒரு மனம்’ தொடர் கிடைச்சது.  

‘ஒரு சீன்ல நாலு பேர் ஃப்ரேம்ல இருந்தா, அந்த நாலு பேரும் டயலாக் பேசணும்னு அவசியமில்ல. கதையை நகர்த்துற கேரக்டர் பேசுற வசனம்தான் முக்கியம்...’ இப்படி பல சூட்சமங்களை கத்துக்கொடுத்தார்.

முத்துச்செல்வன் சார் ‘அழகு’ எழுதறப்ப அதுக்கு டயலாக் எழுதினேன். அதோட இயக்குநர் ஒ.என்.ரத்னம், ஒரு ரைட்டருக்கு அவ்வளவு சுதந்திரம் கொடுப்பார். அப்புறம் இப்ப ‘கல்யாணம் முதல் காதல்வரை’ (வசனம்), ‘ராஜா ராணி’ (திரைக்கதை, வசனம்) சீரியல்களுக்கு எழுதிட்டிருக்கேன்...’’ என்றவர் காதல் திருமணம் செய்து கொண்டவர்!