ஹார்வி புயலில் கெட்டிமேளம்!

- ரோனி

கல்யாணம் நடப்பதே பெரிய விஷயம். அதிலும் ஹார்வி, இர்மா என டஜன் கணக்கில் புயல்களாய் கிளம்பினால் என்ன செய்வது என அமெரிக்காவில் பலரும் திருமணம் செய்துகொள்வதை தள்ளிவைக்க - ஷெல்லி, கிறிஸ் என்ன செய்தார்கள் தெரியுமா? டெக்சாஸை புரட்டிப்போட்ட புயல் அட்டாக்கின்போதே ரிங் மாற்றி பரஸ்பரம் பாச கிஸ்களை பரிமாறி படக்கென கல்யாணத்தை முடித்துவிட்டார்கள் ஷெல்லி & கிறிஸ் தம்பதிகள்.

‘‘இந்த மேரேஜ் எங்களின் ஆறுமாத பிளான். திடீரென வில்லனாக உள்ளே நுழைந்த ஹார்வி புயலால் மேரேஜ் நடக்கவிருந்த சர்ச், என் கணவரின் வீடு அனைத்திலும் வெள்ளம். இக்கட்டுகளைத் தாண்டியும் இதயம் தொட்ட காதல் எங்களுடையது...’’ என புயல் நேரத்தில் புல்லாங்குழல் மென்மையில் பதிவிட்டு மக்களுக்கு புயல்நேரத்தில் உதவுங்கள் என்று கூறிய தம்பதிகளின் பதிவும், போட்டோவும் உலகெங்கும் அப்ளாஸை அள்ளியிருக்கிறது.