‘உத்தரவு மகாராஜா’ படத்தின் மூலம் கோடம்பாக்கத்தை கலக்க வந்துள்ளார் பிரியங்கா. கன்னடம், தமிழ், தெலுங்கு என்று மூன்று மொழிகளிலும் பிஸியாக இருக்கிறார். ஒல்லி தேக நடிகைகளுக்கு மத்தியில் கொழுக் மொழுக் நடிகையாக களமிறங்கியிருக்கும் பிரியங்காவிடம் பேசினோம்.

“ஒரு முறை காலேஜ் விடுமுறையில் உறவினர் வீட்டுக்கு பெங்களூர் சென்றிருந்தேன். அந்தப் பயணத்தில் ஒரு நண்பர் என்னுடைய காஸ்டியூம், நெயில் பாலிஷ் நன்றாக இருக்கு என்று விஷ் பண்ணினார்.

நான் தேங்க்ஸ் தெரிவித்ததும் ‘உங்களுக்கு சினிமாவில் நடிக்க விருப்பமா’ என்று கேட்டார். மனதுக்குள் ஆனந்தக் கூத்தாடினாலும் முன்பின் அறிமுகம் இல்லாதவர் என்பதால் பட்டும்படாமல் பேசி வைத்தேன். அந்த நண்பர் போகும்போது விசிட்டிங் கார்டு கொடுத்தார். தோழிகளிடம் நடந்த விஷயத்தை சொன்னேன். அவர்கள் பயமுறுத்தினார்கள்.

வீட்டுக்கு வந்ததும் அம்மா விடம் நடந்ததைச் சொல்லி அனுமதி கேட்டேன். அம்மாவுக்கு இஷ்டம் இல்லை என்று தெரிந்தது. சீரியல் இயக்குநர் பெண் என்பதால் அவரை பேசச் சொன்னேன். அப்புறம் அம்மா சமாதானம் அடைந்தார்கள். அந்த சீரியலில் என்னுடைய கேரக்டர் பெயர் குலாபி. ஒரு எபிசோடில் நடிக்கப் போய் 300 எபிசோட் நடித்துக் கொடுத்தேன். அதுதான் நான்  முதலும் கடைசியுமாக பண்ணிய சீரியல்.”

“தமிழுக்கு எப்படி வந்தீங்க?”

“உண்மையை சொல்வதாக இருந்தால் தமிழில் நடிக்கவேண்டும் என்பது என் நீண்ட நாள் கனவு. மாஸ் ஹீரோ படங்களின் ஆடிஷனில் பலமுறை கலந்துகொண்டிருக்கிறேன். ஆனால் சொல்லும்படியான வாய்ப்பு கிடைக்கவில்லை.

அந்தச் சூழ்நிலையில் உதயா சார் ஆபீஸிலிருந்து ஆடிஷனுக்கு கூப்பிட்டாங்க. கதைக்குப் பொருத்தமாக இருந்ததால் எனக்கு ஹீரோயின் சான்ஸ் கொடுத்தார். அந்த சமயத்தில் சின்ன படம்,  பெரிய படம், கேரக்டர் வேல்யூ இருக்குமா என்று எதையும் யோசிக்கவில்லை. எனக்கு தமிழில் நடிக்கவேண்டும். ‘உத்தரவு மகாராஜா’ அதற்கான ஸ்பேஸ் ஏற்படுத்திக் கொடுத்தது.”

“ஜி.என்.ஆர் குமரவேலன் இயக்கும் படத்தில் வித்தியாசமான கேரக்டர் பண்றேன். கன்னடத்துல ரவிச்சந்திரன் மகன் மனோரஞ்சன் படம் உட்பட மூன்று படங்கள் ரிலீஸுக்கு வெயிட்டிங்.”“கிளாமர்?”“நான் சப்பி கேர்ள். உடல்வாகு பொறுத்துதான் உடை அமையும். நான் ஒல்லியான தேகம் என்றால் பிகினி அணிந்து நடிக்கவும் தயார்.

கிளாமர் பண்ணும்போது உடம்பும் கனெக்ட் ஆகணும். குண்டுப் பொண்ணு பிகினி போட்டால் காண சகிக்காது. அதே ஸ்லிம் கேர்ள் ஸ்லிம் சூட் அணிந்தால் ‘வாவ்’ என்று ரசிப்பார்கள். எனக்கு இன்னும் அது போன்ற வாய்ப்பு  வரவில்லை. வரும்போது அதைப் பற்றி யோசிப்பேன்.”