முதல் படம் வெளிவரும் முன்பே மூன்று படங்களில் ஹீரோ!

முதல் படம் வெளிவருவதற்கு முன்பே மூன்று படங்களில் புக் ஆவதெல்லாம் ஹீரோயின்களுக்குத்தான் சாத்தியம். அந்த வழக்கத்தை உடைத்திருக்கிறார் வி.ஆர்.விநாயக். ‘அவதார வேட்டை’ மூலம் ஹீரோவாக அவதாரம் எடுத்திருப்பவர், அந்தப் படம் வெளிவருவதற்கு முன்பாகவே ‘சிரிக்க விடலாமா?’, ‘ராஜாவுக்கு ராஜா’ படங்களை முடித்துவிட்டார்.

“அதென்ன ‘அவதார வேட்டை’ன்னு வித்தியாசமான டைட்டில்?”

“இது குழந்தைகளைக் குறிவெச்சு கடத்துற கும்பல் பற்றிய கதை. எதுக்கு குழந்தைகளைக் கடத்துறாங்க, ஹீரோ எப்படி கண்டுபிடிக்கிறார் என்பதை ஆக்‌ஷன், காதல் மற்றும் காமெடி கலந்து கமர்ஷியலாகச் சொல்லுறோம்.”“படத்தைப் பற்றி சொல்லுங்க!”

“ராதாரவி அண்ணனுக்குத்தான் நன்றி சொல்லணும். ‘அவதார வேட்டை’யில் அவர் முக்கியமான வேடத்தில் நடிச்சிருக்காரு. ஷூட்டிங் ஸ்பாட்டில் நடிப்பு நுணுக்கங்களை அவரிடமிருந்து கற்றுக் கொண்டது ரொம்ப பயனாக இருந்தது. படத்துலே எனக்கு ஜோடியா மீரா நாயர் நடிச்சிருக்காங்க. இவங்க ஏற்கனவே ‘சிகை’ படத்தில் ஹீரோயினா நடிச்சவங்க. அவங்களை துரத்தித் துரத்தி லவ் பண்ணுற கேரக்டர் எனக்கு. எனக்கும் அவருக்குமான ஆன்ஸ்க்ரீன் கெமிஸ்ட்ரி ரொம்ப பிரமாதமா வொர்க் அவுட் ஆகியிருக்கு.

சோனா மேடம் முக்கியமான ரோல் பண்ணியிருக்காங்க. படத்துலே அவங்களுக்கு எந்த இடத்திலும் கிளாமர் சீன்ஸ் இருக்காது. ‘தயா’ படத்தில் லக்ஷ்மி அம்மா பண்ணிய ரோல் மாதிரி இதில் அசத்தலான வேடத்தில் நடிச்சிருக்காங்க. காமெடிக்கு பவர் ஸ்டார் சீனிவாசன், நெல்லை சிவா ஆகியோர் இருக்கிறார்கள். ரியாஸ்கான், சம்பத், கராத்தே ராஜா போன்ற சீனியர்களுக்கும் முக்கியத்துவம் இருக்கும்.”

“படத்துலே வேறென்ன ஹைலைட்?”