பிறந்த பத்து மாதத்தில் நாம் உட்காரத் தொடங்கியதும் இப்படித்தான் உட்கார வேண்டும், இப்படி உட்காரக் கூடாது என பல விஷயங்களை சொல்வார்கள். அதன் பின்னால் இருக்கும் அறிவியல் என்பது இதுதான். ஒரே மாதிரி நீண்ட காலம் அமர்ந்து கொண்டே இருந்தால் அதில் பலவிதமான பிரச்னைகள் எழக்கூடும்.

இந்நிலையில் ஒருவர் எப்படி உட்கார்ந்தால் பிரச்னை வரும், எதனால் உடல் மூட்டுகள் வலிக்கிறது, அதில் இயன்முறை மருத்துவத்தின் பங்கு என்ன, யாருக்கெல்லாம் பாதிப்பு வரும் என்பது போன்ற பல விஷயங்களை இந்தக் கட்டுரையின் வாயிலாக தெரிந்து கொள்ளலாம், வாருங்கள்.

தசைகள் சமச்சீராக இல்லாமல் இருப்பதே இதற்கு முக்கியமான காரணம். ஒரு பக்கம் இருக்கும் தசைகள் பலவீனமாகவும், மறுபக்கம் இருக்கும் தசைகள் இறுக்கமாகவும் இருக்கும் நேரத்தில் இப்படி பாதிப்புகள் நிகழக் காரணமாக இருக்கலாம். தொடர்ந்து நாம் பல மணி நேரம் பல காலமாக ஒரே மாதிரி அமரும் போது தசைகளில், மூட்டுகளில் காயம் ஏற்படும் வாய்ப்பு அதிகம்.

நாம் உடற்பயிற்சிகள் செய்து கொள்வதன் மூலம் பிரச்னைகளிலிருந்து தப்பிக்கலாம். நீண்ட நேரம் நீண்ட நாட்களுக்கு அமரும் சூழல் இருந்தால் அவர்கள் தொடர்ந்து பயிற்சிகள் செய்வது அவசியம். இவையில்லாமல் தசைகளுக்கு தேவையான ஓய்வு கொடுப்பது, தசைகளை புத்துணர்வோடு வைத்துக் கொள்வதற்கான நீச்சல் பயிற்சி, சுடுநீர் குளியல் போன்ற விஷயங்களும் அவசியமாக தேவைப்படுகிறது.

நீண்ட நேரம் உட்காரும் சூழல் இருப்பவர்கள் அல்லது உடலில் எந்த மூட்டுகளிலும் பிரச்னை வராமல் இருக்க வேண்டும் என நினைப்பவர்கள் அருகிலுள்ள இயன்முறை மருத்துவரை சந்தித்து தேவையான தசை பரிசோதனைகளை செய்துகொண்டு, அதற்கேற்ப உடற்பயிற்சிகளை கற்றுத் தெரிந்து கொள்வது அவசியம்.