கடந்த மாதம் கிரேட்டர் நொய்டா, ஷஹீத் விஜய்சிங் பதிக், உட்புற மைதானத்தில் உலக சாம்பியன்களான மீனாட்சி ஹூடா, ஜெய்ஸ்மின் லம்போரியா, முன்னாள் உலக சாம்பியன் நிகத் ஜரீன் தலைமையிலான சிங்கப்பெண்கள் இதுவரை செய்யாத தங்கப் பதக்க அறுவடையினை நிகழ்த்தினார்கள்.  

இந்திய அணி 20 கிலோ எடைப் பிரிவுகளில் ஒன்பது தங்கம், ஆறு வெள்ளி மற்றும் ஐந்து வெண்கலப் பதக்கங்களை பெற்றது. அதில் ஏழு பெண்கள் மற்றும் இரண்டு ஆண்கள் தங்கப் பதக்கங்களை வென்றனர்.

மீனாட்சி  ஹூடா, 48 கிலோ எடைப் பிரிவில், மூன்று முறை ஆசிய சாம்பியனான  ஃபர்ஸோனா ஃபோசிலோவாவை 5-0 என்ற கணக்கில் வீழ்த்தி பார்வையாளர்களை ஆச்சரியப்படுத்தினார். 

அம்மாவிடம் சொன்ன போது, அவங்க ‘பெண் பிள்ளைக்கு குத்துச் சண்டையா’ன்னு வினவ, நான் அவரிடம், ‘குத்துச் சண்டையில் நான் சாதிச்சா, என்னை கல்யாணம் செய்து கொள்ள ஆண்கள் வரிசையில் நிற்பார்கள்’ என்று சொல்லி சமாதானம் செய்தேன்’’ என்றவர், பயிற்சிக் காலத்தில் பல சிக்கல்களை சந்தித்துள்ளார்.

‘‘பயிற்சிக்கு நான் சந்தோஷமாக செல்ல, அங்கு பயிற்சியில் ஈடுபட்ட சிறுவர்கள் அனைவரும் பின்வாங்கினார்கள். காரணம், குத்துச் சண்டை என்பது ஒருவராக பயிற்சி பெற முடியாது. எதிராளியுடன்தான் பயிற்சி பெற வேண்டும். 

பெண் பிள்ளையோடு எங்களால் பயிற்சி பெற முடியாது என்று சிறுவர்கள் பின்வாங்கினார்கள். அக்கம் பக்கத்தில் இருந்தவர்கள், ‘பெண் பிள்ளையை அரைக்கால் சட்டை அணியச் செய்து பயிற்சிக்கு அனுப்புவதா?’ என்றார்கள். நானும் அப்பாவும் அதை பொருட்படுத்தவில்லை.

பயிற்சியின் போது, எதிராளி  தாக்கியதால் கண் பகுதியில் ரத்தம் கட்டிக் கொண்டு வீங்கியது. அம்மா பதற, அப்பாவோ, ‘இந்த உலகமே நம்ம மகளைப் பார்த்து ஆச்சரியப்படும்’ என்று சொன்னார். அவரின் எண்ணத்தை நான் நிறைவேற்ற ஆரம்பித்தேன்’’ என்றவர், பல வெற்றிக் கனிகளை குவிக்கத் துவங்கினார்.

‘‘என்னுடைய 15 வயதில் துருக்கியில் நடைபெற்ற ஜூனியர் குத்துச் சண்டை சாம்பியன்ஷிப் தொடரில் தங்கப் பதக்கம் வென்றேன். தொடர்ந்து தேசிய மற்றும் சர்வதேசப் போட்டிகளில் பதக்கமும் என் வசமாக்கிக் கொண்டேன். 

அடுத்து தன் 25 வயதில் துருக்கியில் நடந்த உலக குத்துச்சண்டை சாம்பியன்ஷிப் போட்டியில் 51 கிலோ எடைப்பிரிவில் தங்கப் பதக்கத்தை வென்றேன். அது எனக்கான அடையாளத்தை கொடுத்தது. இந்தச் சாதனைகளை புரிய குத்துச் சண்டை மேடைகளில் மட்டுமில்லாமல், மேடைக்கு வெளியிலும் சமூகத்துடன் போராட வேண்டியிருந்தது’’ என்று கூறும் நிகத், தெலுங்கானா நிசாமாபாத் நகரத்தைச் சேர்ந்தவர். 

‘‘என்னுடைய ரோல் மாடல் குத்துச் சண்டை வீராங்கனையான மேரி கோம். அவரைப் போல் ஒரு வீராங்கனையாக மாற வேண்டும் என்பது என் கனவு. ஆனால், அவரே என்னுடைய நேரடி போட்டியாளராக அமைவார் என்று நான் கனவிலும் நினைத்துப் பார்க்கவில்லை. 

ஆசிய விளையாட்டு, ஒலிம்பிக்ஸ்  போன்ற  சர்வதேச போட்டிகளில் ஒவ்வொரு உடல் எடைப்பிரிவிலும் ஒரே ஒரு  வீராங்கனைதான் இந்தியாவின் சார்பில் பங்கேற்க வேண்டும் என்பது விதி. இந்திய குத்துச்சண்டை களத்தில் முடி சூடா ராணியாக வலம் வந்த மேரி கோமும் 48 கிலோ எடைப்பிரிவில் போட்டி போட்டதால், ஆற்றல் அனுபவம் மிகுந்த மேரி கோமை மீறி, என்னால் பயணிக்க முடியவில்லை. 

சர்வதேசப் போட்டிகளில் தங்கப் பதக்கம் வென்ற இந்திய  குத்துச் சண்டை வீராங்கனைகளான மேரி கோம், சரிதா தேவி, ஜென்னி, லேகாவுக்கு அடுத்தபடியாக ஐந்தாம் வீராங்கனையாக நான் இணைந்திருக்கிறேன் என்று நினைக்கும் போது பெருமையாக உள்ளது.

 குத்துச் சண்டை ஆண்களுக்கான விளையாட்டு என்று அப்பா நினைத்து என்னை அதில் சேர்க்காமல் இருந்தால் என் தலைவிதியே மாறியிருக்கும். என்னுடைய இந்த வெற்றிக்கு அப்பா ஒருவர் என்றால், இரண்டாமவர் என் பயிற்சியாளர் ராவ்’’ என்கிறார் நிகத் ஜரீன்.