‘‘தலைவர் போதையிலதான் உளறினார்னு எப்படிச் சொல்றே..?’’
‘‘நாங்கள் ஆட்சிக்கு வந்தால் 180 மி.லி குவார்ட்டர் என்று இருப்பதை 250 மி.லியாக உயர்த்துவோம்னு சொன்னாரே..!’’

டூவீலர்னா கையில் கிளட்சு, காலில் கியர்; 4 வீலர்னா காலில் கிளட்சு, கையில் கியர்... மனுஷ வாழ்க்கையும் இப்படித்தான் மக்கா. கையின் அணைப்பும் காலின் உதைப்பும் தவிர்க்க முடியாதது.
- மோட்டார் சைக்கிளில் போகும்போதும் மோடுமுட்டித்தனமாக யோசிப்போர் சங்கம்

‘‘தலைவர் அப்பாவியா இருக்கறாருன்னு எப்படிச் சொல்றே..?’’
‘‘அவர் மேல போட்ட குற்றப் பத்திரிகையைப் படிச்சுட்டு, ‘நான் செஞ்ச தப்பெல்லாம் அந்தப் பத்திரிகைக்காரனுக்கு எப்படிய்யா தெரிஞ்சது’ன்னு கேக்கறாரே..!’’

‘‘அந்த இன்ஸ்பெக்டர் மோசம்னு சொல்றியே... என்ன விஷயம் கபாலி?’’
‘‘பின்னே... மாமூல் கொடுக்கும்போது சேவை வரியும் சேர்த்து கொடுங்கன்னு கேக்கறார்!’’

இந்த வருஷம் மின்னல் கூட அதிகமா இல்லை... ஒருவேளை அதுக்கும் பவர்கட் காரணமா இருக்குமோ!?
- மின்னலைக் கண்டாலே மின்னல் வேகத்தில் ஓடி ஒளிவோர் சங்கம்

இந்த வருஷம் மின்னல் கூட அதிகமா இல்லை... ஒருவேளை அதுக்கும் பவர்கட் காரணமா இருக்குமோ!?
- மின்னலைக் கண்டாலே மின்னல் வேகத்தில் ஓடி ஒளிவோர் சங்கம்

பெண்ணோட பர்ஸைக் கிளறு, மனசைக்கூட கிளறு. ஆனா கோபத்தைக் கிளறிடாதே! அப்புறம் தாடி வைக்க வேண்டியிருக்கும்...
- பீச்சில் தனியாக சுண்டல் சாப்பிடுவோர் சங்கம்