என்னதான் ‘காதல்’ வயப்பட்டாலும் காஜல் அகர்வாலை ‘காதல் அகர்வால்’ என்றெல்லாம் கூப்பிட மாட்டாங்க.
- காதல் தத்துவ முடிச்சுப்போட்டுவிட்டு, அவிழ்க்க படாத பாடுபடுவோர் சங்கம்

‘‘அது என்னய்யா ‘செல் பிச்சை’ன்னு பேர் வச்சிருக்கே..?’’
‘‘மிஸ்டு கால் கொடுத்தே பிழைப்பு நடத்துறேன் சாமி..!’’

‘‘பெட்ரோல் விலை ஏறினதால மக்கள் மாறிட்டாங்க
தலைவரே...’’‘‘என்னய்யா பண்றாங்க..?’’‘‘உங்க உருவ பொம்மையை எரிக்காம, புதைக்கற போராட்டம் நடத்தறாங்க..!’’

என்னதான் ஒவ்வொரு நாளும் பசிக்கு சோறு தேவைன்னாலும், நாளைய வாழ்க்கைக்கு யாரும் ‘சோத்தை’ சேர்த்து வைக்க மாட்டாங்க. ‘சொத்தைதான்’ சேர்த்து வைப்பாங்க!
- அடுத்தவர்கள் சொத்தை அபகரிக்காதோர் சங்கம்

‘‘மதுக்கடைகளுக்கு பூட்டு போடும் போராட்டம் நடத்த தொண்டர்கள் வர மாட்டாங்களாம் தலைவரே...’’
‘‘வேற என்ன செய்யணுமாம்..?’’
‘‘வேணும்னா டாஸ்மாக் உள்ள இருந்தபடியே உள்ளிருப்பு போராட்டம் மட்டும் நடத்தத் தயார்னு சொல்றாங்க!’’

‘‘எதையும் இருபத்தி நாலு மணி நேரம் கழிச்சுத்தான் சொல்ல முடியும்...’’
‘‘ஐயோ டாக்டர்... அடுத்த பேஷன்ட்டை உள்ளே அனுப்பட்டுமான்னு கேட்டேன்..!’’

மலை உச்சிக்குச் செல்லும் பாதையில் ‘கொண்டை ஊசி’ வளைவு இருக்கும். ஆனால் குண்டூசி, தையல் ஊசி, எம்ப்ராய்டரிங் ஊசி வளைவுகள் எல்லாம் இருக்காது!
- லிஃப்ட் இல்லாமலே மேலே போக யோசனை சொல்வோர்
சங்கம்